Wata kotun majistare da ke zamanta a Katsina ta tasa keyar shugaban karamar hukumar Batagarawa ta jihar Katsina Mista Bala Garba Tsanni zuwa gidan yari bisa zargin kisan kai da sace mutum.
Shugaban karamar hukumar da wasu mutane 11 sun gurfana a gaban kotu bisa zargin kisan hakimin kauyen Dabaibayawa, Alhaji Dikko Ahmad.
Dukkan wadanda ake tuhumar dai an gurfanar da su ne a karkashin sashe na 59, 249 da 189 na dokar hukunta manyan laifuka ta Katsina.
Tun da farko Alkalin Kotun Mai shari’a Abdulkarim Umar ya umarci ‘yan sanda da su gabatar da wadanda ake zargin a gaban kotu ranar 25 ga watan Janairun 2024.
Sauran mutane 11 da ake tuhuma sun kasance a gidan yari tsawon watanni shida da suka gabata yayin da shugaban ke zaman beli a tsawon lokacin.
Da take gabatar da wadanda ake zargin a gaban kotu a ranar Alhamis, 25 ga watan Janairu, 2024, ‘yan sandan sun ce sun kammala bincike kan lamarin.
Wannan, duk da haka, ya sa babban alkalin kotun ya ba da umarnin a ci gaba da tsare shi a gidan yari har zuwa ranar 7 ga Maris 2024.
From ISYAKU.COM