Wasu ‘yan bindiga sun yi garkuwa da wata mata mai shayarwa da danta dan shekara 14 da kuma wasu mata hudu a jihar Zamfara.
Kamar yadda kafar yada labarai ta TVC ta ruwaito, an sace uwa da danta da sanyin safiyar Talata 25 ga watan Yuli, 2023, a gidansu da ke Saminaka, unguwar da ke kan hanyar Gusau zuwa Sokoto.
Lamarin ya faru ne kwanaki biyu bayan bikin nadin jaririn da ta haifa wanda a halin yanzu ke karkashin kulawar mahaifinta, malami a Kwalejin Fasaha ta Tarayya da ke FCET Gusau.
An tattaro cewa ‘yan bindigar dauke da makamai sun fasa katangar, inda suka kutsa kai suka nemi mijin. Lokacin da ba su same shi ba sai suka tafi da matarsa da babban dansu zuwa inda ba a sani ba.
A wani labarin kuma, a ranar Lahadi, 23 ga watan Yuli, 2023, ‘yan bindiga sun fasa katangar wani gida da ke kauyen Mada da ke karamar hukumar Gusau ta jihar inda suka yi awon gaba da wadannan ‘yan mata guda hudu.
Published by isyaku.com