Wata Kotun Majistare ta Akure ta bayar da umarnin a tsare wani matashi mai shekaru 27, mai suna Mima Chinecherem a gidan gyaran hali na Ondo bisa zargin aikata fyade har ya kashe wata tsohuwa ‘yar shekara 80, mai suna Felicia Aderibigbe.
Chinecherem ya bayyana a gaban Kotu a ranar Alhamis 25 ga watan Mayu, kan laifin kisan kai.
Dan sanda mai shigar da kara, Nelson Akintimehin ya shaida wa kotun cewa wanda ake tuhumar ya aikata laifin ne a ranar 17 ga watan Mayu, 2023 da misalin karfe 10:00 na dare a Ago Erinje ta Costian Ore, jihar Ondo.
An yi zargin cewa Chinecherem ya daure Octogenerian da kyalle a cikin gonarta ta koko ya yi mata fyade har ta mutu.
A cewar tuhumar, laifin ya ci karo da sashe na 319 na dokar laifuka ta jihar Ondo, 2006.
Dan sanda mai gabatar da kara ya roki kotun da ta tasa keyar wanda ake zargin a gidan gyaran hali har sai an samu shawarwarin doka daga ofishin daraktan kararrakin jama’a.
Wanda ake tuhuma ya gaya wa kotu cewa ba shi ne ke da alhakin mutuwar matar ba.
Chinecherem ya ce cikin rashin sani ya dauko wayar marigayiyar da addarta ya kai gidanta a lokacin da ya ji Labarin cewa yan uwanta suna nemanta.
Alkalin kotun mai shari’a Musa Al-Yunus ya bayar da umarnin tsare wanda ake tuhuma a gidan yari na Ondo domin neman shawarar DPP sannan ya dage sauraron karar zuwa ranar 2 ga Oktoba, 2023.
An bayar da rahoton bacewar Misis Aderibigbe ranar 17 ga Mayu, 2023, bayan ta kasa dawowa daga gonarta.
Washegari ne aka kai rahoton lamarin a hedikwatar ‘yan sanda da ke Otu.
Daga baya dai an tsinci gawar yar tsohuwar a gefen gonarta bayan kwanaki da dama da al’ummar yankin suka yi ta binciken nemanta.
BY isyaku.com