An zartar da dokar rage makudan kudade da ake kashewa a auratayya, suna, kaciya da sauran bukukuwa a jihar Sokoto

Majalisar dokokin jihar Sokoto a ranar Talata ta zartas da wani kudiri na daidaita kudaden aure a jihar. NAN ya ruwaito.

 Kudurin dokar wanda Alhaji Abubakar Shehu (APC-Yabo) da Faruk Balle (PDP- Gudu) suka dauki nauyinsa, an mika shi ga kwamitin kula da harkokin addini na majalisar.

 Shehu, wanda shi ne Shugaban kwamitin, ya gabatar da rahoton kwamitin a zauren taron, wanda aka amince da shi gaba daya ya zama doka.

 Kudirin ya nemi a kula da yadda ake kashe makudan kudade a auratayya, suna, kaciya da sauran bukukuwan gida a fadin jihar.

 Shehu ya ce yayin da yake gabatar da rahoton, kwamitin ya gana da masu ruwa da tsaki wadanda suka bayar da gudunmawa mai kyau, wadanda aka saka a cikin kudirin dokar.

 Bayan tattaunawa a zaman da mataimakin shugaban majalisar, Alhaji Abubakar Magaji ya jagoranta, ‘yan majalisar sun amince da kudurin gaba daya nan take da gagarumin rinjaye. .

BY ISYAKU.COM