Injin wani jirgin saman fasinja kirar Boeing 737 ya kama wuta bayan ya ci karo da garken wasu tsuntsaye a sararin samaniya mintuna 25 bayan tashinsa a Ohio ranar Lahadi, 23 ga Afrilu. Shafin labarai na isyaku.com ya samo.
Bidiyo ya nuna Jirgin 1958 Phoenix yana komawa filin jirgin sama na John Glenn a Columbus yayin da ake ganin harshen wuta da hayaki yana fitowa daga injin.
Jirgin dai ya sauka kasa lafiya, kuma ba a samu wani rauni ba.
Jirgin dai ya tashi ne da misalin karfe 7:43 na safe, inda injin ya kama wuta kasa da mintuna 30 kafin a tilasta wa jirgin ya dawo, inda ya sauka da misalin karfe 8:22 na safe.
Wani fasinja da ke cikin jirgin ya shaida wa NBC 4 shi da sauran mutanen da ke cikin jirgin sun ji hayaniya mai tsauri a cikin jirgin, inda ake zargin wani matukin jirgin ya gaya musu cewa sun bugi garken tsuntsaye ba da daÉ—ewa ba bayan tashinsa.
Bayan da jirgin ya sauka lafiya, an kwashe fasinjojin aka tafi da su wani jirgin da ya tashi da safe.
Hotunan abin da ya biyo baya sun nuna yadda jami'an kashe gobara da jami'an tsaron filin jirgin suka kashe gobarar injin tare da duba jirgin.
Hukumar kula da sufurin jiragen sama ta tarayya ta kaddamar da bincike kan lamarin.
Lamarin dai ya zo ne kwanaki uku kacal bayan da wani injin ya kama wuta a lokacin tashinsa daga filin jirgin sama na Charlotte Douglas da ke Arewacin Carolina.
Ana iya ganin reshen jirgin Airbus A321 da ke zuwa Dallas yana ci da wuta a lokacin da jirgin ke gudu daga titin jirgin domin tashi. Jirgin dai bai tashi ba kuma cikin sauri aka kashe wutar.
Ba a bayar da rahoton wani ya samu rauni ba a lamarin, wanda aka bayyana cewa ya samu rauni a injin.
BY ISYAKU.COM