Rundunar ‘yan sandan Najeriya reshen jihar Kebbi, ta sanar da karbar ragamar tafiyar da aikin da sabon kwamishinan ‘yan sanda CP Lawal Abubakar Daura ya yi.
Daura ya karbi mulki daga hannun CP Ahmed Magaji Kontagora wanda ya yi ritaya kwanan nan. Shafin labarai na yanar gizo isyaku.com ya tattara.
CP Lawal Abubakar Daura shine CP da aka tura domin zaben gwamna 2023 a Kebbi.
Canjin shugabancin ‘yan sanda a Kebbi ya bayyana ne ta wata sanarwa da rundunar ‘yan sanda PPRO SP Nafiu Abubakar ya fitar amadadin kwamishinan ‘yan sandan jihar Kebbi a ranar Litinin 3 ga Afrilu 2023.
Dubi sanarwar da aka fitar a kasa:
"Ranar: 3 ga Afrilu, 2023
SANARWA SANARWA
CP. LAWAL ABUBAKAR DAURA, fdc YA DAU AIKI A MATSAYIN KWAMISHINAN YAN SANDA NA 34 A JIHAR KEBBI.
Rundunar ‘yan sandan jihar Kebbi na son sanar da jama’a cewa, an nada sabon kwamishinan ‘yan sanda a jihar Kebbi. Shi ne CP Lawal Abubakar Daura, fdc. Ya karbi mulki daga CP. Ahmed Magaji Kontagora, wanda ya yi ritaya daga aikin ‘yan sandan Najeriya.
2. An haifi CP Abubakar a ranar 20 ga watan Agusta, 1965, a karamar hukumar Daura ta jihar Katsina. Bayan ya kammala karatun firamare da sakandare, ya halarci babbar jami’ar Ahmadu Bello (ABU) Zariya, inda ya sami Digiri na farko a fannin zamantakewa.
3. An shigar da shi aikin ‘yan sandan Nijeriya a matsayin mataimakin Sufeto na ‘yan sanda (C/ASP) a ranar 3 ga Maris, 1990 kuma ya samu horo a shahararriyar makarantar horar da ‘yan sanda ta Annex, Kaduna. Ya yi aiki a Jihohi daban-daban, Yankunan Shiyya, Samfura da Hedikwatar Yan sanda da ke Abuja.
4. Ya rike mukamai da dama, wasu daga cikinsu sun hada da;
i. Jami’in hulda da jama’a na rundunar ‘yan sanda (PPRO), reshen jihar Yobe.
ii. Jami’in ‘Yan Sanda na Dibision (DPO) a Sassan da dama a Barno da Jihar Kano.
iii. Mataimakin kwamishinan ‘yan sanda mai kula da sashen CID, Apapa Legas.
iv. Mataimakin kwamishinan ‘yan sanda mai kula da sintiri a kan iyakokin kudu maso yamma, Badagry, Legas.
v. Mataimakin kwamishinan 'yan sanda, sashen mulki a rundunar Yan sandan jihar Legas.
vi. Mataimakin kwamishinan ‘yan sanda mai kula da ayyuka, shiyya ta 2, shiyyar, Legas.
vii. Mataimakin kwamishinan ‘yan sanda mai kula da harkokin mulki, shiyya ta 7, shiyyar, Abuja.
viii. Mataimakin kwamishinan ‘yan sanda mai kula da ayyuka na jihar Oyo.
ix. Kwamishinan ’Yan sandan Jihar Kano.
x. Kafin a bashi mukamin CP Kebbi, ya kasance kwamishinan ‘yan sanda, kudi da kuma Admin, FCID Annex, Legas.
5. Ya kuma halarci darussa da dama na kwararru da jagoranci, tarukan karawa juna sani a ciki da wajen kasar nan, wasu daga cikinsu sun hada da;
i. Yin Karatu a Combat Operations Course, a Police Mobile Force (PMF) Training College, Gwoza Camp, Gwoza, Jihar Borno.
ii. Junior Command, Intermediate da kuma Tactical Leadership Command Courses a College Police Staff College, Jos.
iii. Har ila yau, Kuma halarci kwalejin tsaron Defence College da ke Abuja,inda ya samu lambar fdc.
6. Yayi aure da albarkar ‘ya’ya.
7. Posting nasa ya fara aiki nan take.
SP NAFI’U ABUBAKAR, anipr
JAMI'IN HULDA DA JAMA'A,
MADADIN: KWAMISHINAN YAN SANDA,
RUNDUNAR JIHAR KEBBI."
BY ISYAKU.COM