Yanzu-yanzu: Babban koma-baya ga PDP yayin da kotu ta yanke wa dan takarar Gwamna na jam’iyyar a jihar Kudu, tayi umarnin kama shi


Rahoton da jaridar TheCable ta fitar ya nuna cewa wata babbar kotun majistare da ke Wuse zone 6, babban birnin tarayya (FCT), ta bayar da umarnin kama Umo Eno, dan takarar gwamna na jam’iyyar PDP a jihar Akwa Ibom. Legit.ng ta wallafa.

Jaridar ta bayyana cewa wata takarda da ta gani ta nuna cewa Emmanuel Iyanna, babban alkalin kotun ne ya bayar da umarnin kama shi a ranar Juma’a, 23 ga Disamba, 2022.

Me yasa kotu ta bada umarnin a kamo Umo Eno?

Takardar rahoton ta nuna cewa dan takarar gwamna na PDP yana fuskantar tuhume-tuhume na “ ha’inci da haddasa rashin gaskiya”.

An tattaro cewa wani Edet Godwin Etim ya ja Eno zuwa kotu.

"An umurce ku da ku kama Fasto Umo Bassey Eno kuma ku gabatar da shi a gabana," in ji alkalin kotun.

An samu Eno da laifi, in ji wata majiya

TheCable ya kara da ambata wata majiya a matsayin mai tabbatar da cewa an kammala shari'ar aikata laifuka kuma an hukunta Eno.

“Sammacin kama shi ya ta’allaka ne da hukuncin da babbar kotun majistare, Wuse, Abuja ta yanke, kuma ta bayar da umarnin a kama wanda ake kara a kai shi kotu domin yanke masa hukunci bayan ya ki mika kansa ga kotu,” inji majiyar.  yana cewa.

Yadda Umo Eno ya fito a matsayin dan takarar gwamna na PDP a Akwa Ibom

Eno, wanda shine dan takarar gwamnan Akwa Ibom Udom Emmanuel, ya lashe zaben fidda gwanin jam’iyyar da aka gudanar a watan Mayun 2022.

Ya samu kuri'u 993, yayin da jimillar wakilai 1,018 suka shiga zaben.

Wadanda suka fi kalubalantar dan takarar gwamna na PDP sun hada da Onofiok Luke dan majalisar wakilai da kuma dan majalisar dattawa Bassey Albert.

Previous Post Next Post

Information

Facebook

Latsa nan ka shiga group namu na WhatsApp domin samun Labaran mu kai tsaye

https://chat.whatsapp.com/J8ryqryDtwR9yvxrOOBlJU

Domin zama wakilinmu a garinku LATSA NAN

Korafi ko aiko labari LATSA NAN