Da dumi-dumi: Fusatattun matasa sun yi artabu yayin da babbar mota ta murkushe mata shida har lahira a Maiduguri

Fusatattun matasa sun yi artabu yayin da babbar mota ta murkushe mata shida har lahira a Maiduguri


Wasu fusatattun matasa sun gudanar da zanga-zanga bayan da wata mota kirar tipper ta murkushe mata shida har lahira a hanyar Gubio, wajen birnin Maiduguri, jihar Borno. Shafin labarai na isyaku.com ya samo.

Lamarin ya faru ne da misalin karfe 10:05 na safiyar ranar Juma’a, 4 ga Nuwamba, 2022, a Kaswan Fara, yankin Shagari Lowcost Estate lokacin da motar tipper da ke dauke da yashi mai kaifi ta kwace sakamakon gazawar birki.

Wani ganau mai suna Kola Fatai ya shaida wa Daily yrust cewa motar ta kutsa cikin motar daukar matan zuwa gona, inda ta kashe akalla 6 daga cikinsu.

Wani mazaunin garin, Iman Buba, ya ce wasu fusatattun matasa sun kona motocin tipper guda biyu, yayin da ‘yan sanda ke kokarin kwantar da hankula.

Masu zanga-zangar sun tare hanyar Gubio daga Maiduguri.

Wani shaidan gani da ido ya ce motar da ta haddasa hatsarin titin tana kokarin wuce wani tipa, amma ta rasa yadda za ta yi, kuma ta fada cikin motar daukar matan.

An baza jami'an tsaro a wurin domin shawo kan lamarin.

Previous Post Next Post

Latsa nan domin samun labaran mu ta WhatsApp kai tsaye https://chat.whatsapp.com/EcJXY08Ikrx63mQ7F6TJfL

Domin zama wakilin mu a garin ku LATSA NAN

Domin aiko rahotu/ korafi LATSA NAN

Domin samun labaran mu a Facebook LATSA NAN ka danna FOLLOW ko LIKE