Yanzu yanzu: Rikici ya barke, an yi arangama tsakanin yan iskan Agbero da yan kasuwa a kasuwar Alaba da ke Lagos, an raunata da dama (Bidiyo)
A safiyar yau 19 ga watan Oktoba ne rikici ya barke a babbar kasuwar Alaba International Market da ke Legas, yayin da ‘yan kasuwa suka yi arangama da yan iska a yankin. Shafin labarai na isyaku.com ya samo.
Rahotannin da ba a tabbatar da su ba sun ce ‘yan kasuwar sun nuna adawa da bukatar kudi da yaran yankin da aka fi sani da Agberos ke yi a yankin.
Kakakin rundunar ‘yan sandan jihar Legas, SP Benjamin Hundeyin, ya ce ‘yan sandan na kokarin dawo da zaman lafiya a yankin.
An kai wasu mutanen da suka samu raunuka a wannan tabarbarewar yanayi asibiti domin yi musu magani.
Duba bidiyo a kasa: