Da dumi-dumi: Wani Kwanturolan hukumar Kwastam NCS ya yanke jiki ya fadi ya mutu nan take kan hanyar zuwa wajen aiki, duba yadda ta faru

Kwanturolan da ke kula da sashen kasuwanci na hukumar kwastam ta Najeriya (NCS), Anthony Ayalogu.ya rasu. 

Ayalogu ya rasu ne a filin jirgin sama na Malam Aminu Kano, Kano a ranar 17 ga Oktoba, 2022, bayan ya yi rashin lafiya kwatsam. 

Kakakin hukumar ta Kwastam, AA Maiwada, wanda ya tabbatar da faruwar lamarin a cikin wata sanarwa a ranar Talata, 18 ga watan Oktoba, ya ce Ayalogu ya rasa ransa ne a lokacin da yake kan hanyarsa ta zuwa aiki a hukumance.

An garzaya da Kwanturola mai shekaru 57 zuwa asibitin sojojin saman Najeriya da ke Kano inda aka tabbatar da rasuwarsa.

“A cikin zuciyoyin mu ne muke sanar da rasuwar Kwanturola Anthony Ayalogu, har zuwa rasuwarsa, shi ne Kwanturolan Hukumar Kwastam mai kula da Sashin Samar da Kasuwanci na Hukumar, yana kan hanyar wucewa ne a wani aiki na hukuma sai kwatsam ya kamu da rashin lafiya. Sanarwar ta kara da cewa, sun isa filin jirgin saman Malam Aminu Kano, sai hankalinsu ya tashi.

“Duk kokarin da aka yi na farfado da shi bai yi nasara ba domin an tabbatar da rasuwarsa ne a ranar Litinin 17 ga watan Oktoba 2022 a Asibitin Sojan Sama na Najeriya 465, yana da shekaru 57 a duniya.

“Comptroller Anthony Ayalogu ya fito ne daga karamar hukumar Onitsha ta Arewa a jihar Anambra, ya yi karatun digiri na farko a fannin ilmin Botany daga jami’ar Fatakwal, sannan ya shiga aikin hukumar kwastam ta Najeriya a ranar 24 ga watan Satumba 1991 a matsayin mataimakin Sufeto.

“Comptroller Ayalogu wanda ya kasance jami’in Hukumar Kwastam ta Duniya (WCO) ya karbi ragamar Gudanar da Kasuwancin Kwanturola a ranar 31 ga Janairu 2022. Ya yi fice a matsayin gwarzon mai kawo sauyi a Hukumar Kwastam ta Najeriya, kuma a baya ya yi aiki a sashin Audit na System (System Audit Unit). Ma’aikatar Tariff and Trade.Ya rasu ya bar mata da ‘ya’ya.

“Shugaban hukumar kwastam, Kanal Hameed Ali (rtd), CFR da daukacin jami’ai da mazaje suna mika ta’aziyya ga iyalai da abokan arziki na marigayi Kwanturola Anthony Ayalogu, wanda ya kasance zakara na gaske kuma za a yi kewar sa, muna addu’ar Allah ya jikansa tare da ba iyalinsa ikon jajircewa wajen jure wannan rashi mara misaltuwa Amin."