Zaben 2023: Rikicin APC a Kano ya tabarbare yayin Dda babban dan siyasar Arewa ya koma PDP
Wata guda bayan sauya sheka daga jam’iyyar New Nigeria Peoples Party (NNPP) zuwa jam’iyyar PDP, Sanata Ibrahim Shekarau (Kano ta tsakiya), ya bayyana sauya shekar a zauren Majalisar Dattawa a ranar Laraba.
A ranar Litinin, 29 ga watan Agusta, 2022, Shekarau ya sauya sheka tare da dubban magoya bayansa zuwa PDP daga jam’iyyar NNPP bisa zargin rashin adalci da jam’iyyar ke yi karkashin Sanata Rabi’u Musa Kwankwaso, wanda shi ne dan takarar shugaban kasa a jam’iyyar.
Da yake sanar da ficewar Shekarau ta wata wasika da aka samu a kan haka, shugaban Majalisar Dattawa, Ahmad Lawan, ya ce Sanatan na Kano ta tsakiya yana son sanar da abokan aikinsa a hukumance.
Shekarau a cikin wasikar da shugaban Majalisar Dattawan ya karanta, ya ce ficewar sa da dubban magoya bayansa a Kano, daga NNPP zuwa PDP, domin cimma burinsu na siyasa ne a jam’iyyar da ta dace da su.
Ana sa ran, bayan sanarwar, Sanatocin PDP karkashin jagorancin shugaban marasa rinjaye, Philip Aduda, da na marasa rinjaye, Chukwuka Utazi (Enugu ta Arewa), cikin murna suka rungumi Shekarau domin ya koma jam'iyyarsu.