Da dumi dumi: Yan sanda sun kama wani mutum da ya kashe matar Kawunsa, ya sare kanta ya dafa ya yi farfesu da barkono ya ci, duba yadda ta faru


An gurfanar da wani mutum mai shekaru 45 a gaban wata kotun Majistare da ke Makurdi bisa laifin cin naman mutane. Shafin labarai na isyaku.com ya samo.

An gurfanar da Jeremiah Ode, daga Igwe Ochekpo a karamar hukumar Oju, jihar Benue a gaban wata Kotun Majistare da ke Makurdi, bisa laifin kisan gilla da aka yi wa Priscilla Adoga, mai shekaru 65.

Sufeto Omaye Ujata, jami’in ‘yan sanda mai shigar da kara, ya shaida wa Kotun cewa lamarin wanda ya faru a ranar Juma’a, 19 ga watan Agusta, Silas Igiri na karamar hukumar Oju ya kai rahoton ga ‘yan sanda.

A cewar rahoton Igiri, wanda ake zargin ya je gonar da matar kawunsa mai suna Priscilla ke aiki inda ya kashe ta, ta hanyar amfani da adda.

Bayan ya sare kan Priscilla, sai ya shirya barkono, ya yi farfesu da ita nan take, yana ci sai aka kama shi.

Wasu majiyoyi a yankin sun shaida wa manema labarai cewa, a lokacin da Priscilla ba ta dawo daga gona a daidai lokacin da aka saba ba, sai ‘yan uwanta suka je nemanta, sai kawai suka tarar da Irmiya, wanda aka san shi da ciwon hauka, yana cin kan matar. .

Da aka tambaye shi dalilin da ya sa ya yi haka, Irmiya ya ce ya fara da kai ne kawai daga nan zai wuce zuwa jikinta.

Lokacin da ‘yan sandan suka bukaci ya bada labarin faruwar lamarin, Jeremiah ya bada labarin yadda shi da Priscilla suka yi artabu da adduna har sai da ya ci karfin ta.

Don haka babban Alkalin Kotun, Misis Regina Algh, ta bayar da umarnin a garkame wadanda ake zargin a gidan yari na tarayya dake Makurdi.

Ko da yake kotun ta ki amincewa da hurumin sauraron karar, wanda ake zargin ya amsa laifin da ake tuhumarsa da shi, lokacin da aka ambaci karar.

An dage sauraren karar zuwa ranar 11 ga watan Nuwamba, domin samun shawarwarin shari’a daga ma’aikatar shari’a ta jihar.

Previous Post Next Post

Latsa nan ka shiga group namu na WhatsApp domin samun Labaran mu kai tsaye

https://chat.whatsapp.com/H5IqezEzbfJ3YScTo1dk59

Domin zama wakilinmu a garinku LATSA NAN

Korafi ko aiko labari LATSA NAN