An gurfanar da wata mata a gaban Kotu bisa zargin satar buhu 74 na shinkafa, duba yadda ta faru


Wata mata ‘yar shekara 36 mai suna Oritoke Olaniyan a ranar Juma’a ta gurfana a gaban wata kotun majistare da ke Ikeja bisa zargin satar buhunan shinkafa 74 na sama da naira miliyan biyu. Shafin Isyaku News Online isyaku.com ya samo.

NAN ta ruwaito cewa wanda ake karar, yan kasuwa ce, wanda ke zaune a 10b, Modele Compound, Tejuosho a Yaba, Legas, an tsare ta ne saboda hada baki da sata.

Mai gabatar da kara, Insp. Segun Oke ya shaidawa kotun cewa wanda ake zargin ta aikata laifin ne a watan Disamba, 2021 a Iddo Main Market, Iddo, Legas.

Oke ya yi zargin cewa wanda ake kara da sauran jama’a sun amince da bayar da buhunan shinkafa 1,540 ga mai korafin, Misis May Ukara, amma ta ba da buhuna 1,466 kacal, inda ta bar buhu 74 daga cikin yarjejeniyar.

Mai gabatar da kara ya ce wanda ake tuhumar ta gaza samar da buhunan shinkafa 74 tun watan Disambar 2021.

Mai gabatar da kara ya ce laifin ya ci karo da sashe na 287 da 411 na dokokin laifuka na jihar Legas, na shekarar 2015.

Sai dai wanda ake tuhumar ta ki amsa laifin da ake tuhumarta da shi.

Alkalin kotun, Misis MC Ayinde ta bayar da belin wanda ake kara a kan kudi N400,000 tare da mutane biyu da za su tsaya tasa.

Ayinde ta dage sauraron karar har zuwa ranar 31 ga watan Agusta. 

Previous Post Next Post

Latsa nan ka shiga group namu na WhatsApp domin samun Labaran mu kai tsaye

https://chat.whatsapp.com/H5IqezEzbfJ3YScTo1dk59

Domin zama wakilinmu a garinku LATSA NAN

Korafi ko aiko labari LATSA NAN