Rahotanni da duminsu daga garin Bunza a jihar Kebbi na cewa an yi wa wani matashi miyagun raunuka bayan zargin shiga gidan wani mutum da manufar yin sata. Shafin isyaku.com ya samo.
Bayanai na cewa lamarin ya faru ne a Unguwar Sambisa a garin na Bunza, da tsakiyar ranar Litinin 25 ga watan Yuli 2022, kuma an aibanta matashin ta hanyar yi masa mumunr lahani a kansa da ya haifar da gudanar jini, ana kuma zargin an sare shi a kafa jijiyar kafarsa ta tsunke.
Anguwar Sambisa a birnin Bunza, ya zama matattarar yawan aikata laifi da barazanar tsaro kamar yadda wata majiya ta ambata, kasancewar Unguwar daga karshen gari kuma ta yi makwabta da dutse da ke malale da babbar daji.
