Hajiya Hauwa, matar tsohon Gwamnan jihar Taraba, Danbaba Suntai kenan a wadannan hotunan tare da karamin mijinta, Haliru Saad Malami. Kafar labarai na isyaku.com ya samo.
Nexus Photographer ne ya sanya hotunan a ranar Talata, 12 ga Yuli.
Hauwa ta auri Malami, wanda shine Chief Executive Officer, ITBAN Global Resources LTd, a shekarar 2019, shekaru biyu bayan rasuwar Suntai.
Hauwa tana da shekaru 50 a Duniya yayin da Malami, wanda ke da shekaru 30 a Duniya, an ce kani ne ga Turai 'Yar'aduwa, matar marigayi Shugaban Najeriya, Umaru 'Yar'aduwa.
Idan dai za a iya tunawa, Suntai ya yi hatsarin jirgin sama a Yola a shekarar 2012 kuma an tafi da shi kasar waje don yi masa magani.
Ya rasu ne a ranar 28 ga watan Yuni, 2017, a birnin Houston na jihar Texas ta kasar Amurka, bayan ya yi fama da raunukan hadarin jirgin da ya sa ya kasa yin wani aiki.