Jam’iyyar NNPP ta bayyana cewa dan takararta na shugaban kasa kuma tsohon gwamnan jihar Kano, Rabiu Kwankwaso, ya zabi Bishop Isaac Idahosa a matsayin abokin takararsa a zaben 2023 mai zuwa.
Jam’iyyar ta bayyana hakan ne a shafinta na Twitter a ranar Alhamis inda ta rubuta cewa:
“Mataimakin shugaban kasanmu Fasto Bishop Isaac Idahosa daga jihar Edo.”
Tribune Online ta ce ta ruwaito cewa, Bishop Isaac Idahosa daga jihar Edo babban Fasto ne a cocin God First Ministry, wanda aka fi sani da Illumination Assembly da ke da hedikwatara Lekki LLC, Ajah, Legas.
Zabo faston dai na zuwa ne bayan rade-radin da ke yawo na cewa Kwankwaso na neman zabo tsohon gwamnan Anambra Peter Obi a matsayin abokin takara.