Karamin Ministan Kwadago da Aiki Festus Keyamo, ya ce Kiristoci ba su da wata fargaba game da tikitin takarar Musulmi da Musulmi da jam’iyyarsa ta APC ta gabatar gabanin zaben shugaban kasa na 2023.
A ranar Lahadin da ta gabata, 10 ga watan Yuli, dan takarar shugaban kasa na jam’iyyar APC, Bola Tinubu, Musulmi, ya bayyana tsohon Gwamnan jihar Borno, Kashim Shettima, Musulmi, a matsayin mataimakinsa. An dai yi maraba da sanarwar da kalamai dabam-dabam inda Kiristoci da dama ke cewa wannan hari ne ga al’ummar Kirista.
Wasu dai sun ce matakin da ya dauka na zabar Musulmi a matsayin abokin takararsa na nuni da cewa ba zai iya samun Kirista da ya cancanta da zai yi takara da shi ba.
A cikin jerin sakonnin Twitter da aka rabawa a daren jiya, Keyamo ya ce Kiristoci ba su da wani abin tsoro. Ya ce Tinubu yana da hakuri har ya bar matarsa daya tilo, Remi Tinubu ta zama Fasto a gidan sa. An nada Remi Fasto a Cocin Redeemed Christian Church of God a watan Agusta 2018.