Hukumar EFCC ta kama tsohon Gwamnan Zamfara Yari bisa laifin zamba N84bn

 


Hukumar yaki da masu yi wa tattalin arzikin kasa zagon kasa EFCC ta kama tsohon Gwamnan jihar Zamfara, Abdulaziz Yari, tare da tsare shi bisa zarginsa da binciken da hukumar ta ke yi kan badakalar naira biliyan 84 da aka dakatar da Akanta Janar na tarayya, Ahmed Idris.

Rahotanni sun ce an kama Yari ne a ranar Lahadi, 29 ga watan Mayu, a gidansa da ke Abuja, sa’o’i kadan bayan ya lashe tikitin tsayawa takarar Sanatan Zamfara ta yamma a jam’iyyar All Progressives Congress.

EFCC ta yi zargin cewa tsohon Gwamnan ya ci gajiyar Naira biliyan 22 daga cikin Naira biliyan 84 da ake zargin AGF da aka dakatar da karkatar da su.

Ana zargin an biya wani Akindele makudan kudade, wanda har yanzu ba a bayyana cikakken ko wanene ba

Ana zargin Yari da karbar makudan kudaden ta hannun Finex Professional amma ba a bayyana cikakkun bayanan cinikin ba a lokacin gabatar da rahoton.

Wani jami’in hukumar da ya nemi a sakaya sunansa saboda ba shi da izinin yin magana da manema labarai, ya shaida wa jaridar Punch cewa , “A ranar 29 ga watan Mayu ne hukumar EFCC ta kama wani tsohon gwamnan jihar Zamfara Yari da Anthony Yaro, shugaban kuma Manajan Darakta na hukumar. Finex Professional bisa zarginsu da hannu a damfarar N84bn da suka shafi tsohon Akanta Janar na Tarayya.

Yari wanda aka kama da misalin karfe 5 na yamma, ya ci gajiyar N22bn ta hannun Finex Professional, daga N84bn da tsohon AGF ya biya wani Akindele. Majiyar ta ce

Wannan dai na zuwa ne kwanaki bayan da aka kai wani AGF da aka kama a hannun EFCC. Yana fuskantar bincike kan zargin almundahana da ya kai Naira biliyan 80.

Previous Post Next Post

Facebook

Latsa nan ka shiga group namu na WhatsApp domin samun Labaran mu kai tsaye

https://chat.whatsapp.com/J8ryqryDtwR9yvxrOOBlJU

Domin zama wakilinmu a garinku LATSA NAN

Korafi ko aiko labari LATSA NAN