Jarumi a masana'antar shirya fina-finan Hausa, kuma furodusam shirin 'Izzar So' mai dogon zango, Lawan Ahmad, ya ce wani bawan Allah ya karbi shahada sanadin kallon shirin.
Jarumin ya faÉ—i wannan kyakkyawan labari ne a wani sakon bidiyo da hotonsa da mutumin, wanda ya sanya a shafinsa na Instagram.
A cikin bidiyon, mutumin ya karɓi kalmar shahada wacce ke shigar da wanda ba musulmi ba zuwa cikin ni'imar musulunci, a kusa da jarumi Lawan Ahmad.
Jarumin yace:
"Masha Allah, a yau ne muka yi babban kamu a musulunci, inda wannan bawan Allah ya shiga musulunci saboda kallon Izzar So da yake yi."
Shin mutumin dan ina ne?
Lawan ya ƙara da cewa wanda ya karbi musuluncin ya fito ne daga ƙaramar hukumar Idom Ikon, dake jihar Cross River, kuma ya amince da sunan jarumin shirin, 'Umar' a matsayin sunansa na musulunci.
"Tun daga ƙaramar hukuma Idom Ikon ta jihar Cross River ya taho, yanzu haka ya karbi addinin musulunci. Kuma yanzu haka sunasa ya koma Umar daga John."
Daga karshe Ahmad Lawan, ya yi addu'ar cewa Allah ya sa ya karbi addinin Musulunci a sa'a, kuma Allah ya sa Addinin ya amfane shi da al'umma baki É—aya.
Lawan Ahmad da sabon musulunta
Masha Allah: Wani mutumi ya musulunta sanadiyyar kallon shirin Kannywood mai dogon Zango Hoto: @lawanAhmad Source: Instagram
Shirin Izzar So, wanda har yanzun ake cigaba da yinsa, ya ƙunshi manyan jarumai da suka haɗa da, Ali Nuhu (Matawalle), Lawan Ahmad (Umar Hashim), Aisha Izzar So (Hajiya Nafisa) da sauran su.
Jarumar Kannywood, Sadiya Kabala, ta koka kan yadda mutane ke da taurin bashi idan ka amince ka ba su kayan ka.
Jarumar tace da kasuwanci ne suke samu suna tsira da mutuncin su, musamman idan suka daina harkar shirin fim.
Daga Jaridar yanar gizo na shafin
Reported by ISYAKU.COM
Latsa nan ka shiga Group dinmu na Whatsapp domin samun labaranmu kai tsaye
https://chat.whatsapp.com/G83TOEf1MUmDTiYaMTb02g
Domin aiko labari mu wallafa maka LATSA NAN
Domin zama Wakilinmu a garinku LATSA NAN
Domin Korafi/Tuntubemu LATSA NAN
Shafukan sada zumunta
Twitter twitter.com/isyakulabari
Facebook facebook.com/isyakalabari