Iyalan wani sabon ango a Bayelsa, sun shiga tashin hankali da jimami, biyo bayan mutum 9, ciki harda iyaye da yan uwan Angon, sun rasa rayukansu a mummunan hatsarin mota.
Dailytrust tace lamarin ya faru a Tollgate dake gaban Glory Land drive a kan hanyar Igbogene, Yenagoa, babban birnin jihar Bayelsa.
Wani shaidan gani da ido, yace mutanen suna kan hanyar komawa gida a ƙaramar hukumar Sagbama bayan halartar ɗaura auren, yayin da lamarin mara daɗi ya rutsa da su.
Hatsarin mota
Rahotannin da muka samu sun bayyana cewa motar Bas ɗin da yan ɗaura auren suka shigo ta yi taho mugama da wata mota da ta fito daga Warri, jihar Delta.
FRSC sun kai ɗauki cikin lokaci
Jami'in hukumar kare haɗurra (FRSC) ya shaidawa manema labarai a wurin da hatsarin ya faru cewa sun yi gaggawar kai mutum hudu asibiti, amma ɗaya daga ciki ya mutu.
Ya kuma kara da cewa hukumarsu zata fitar da jawabi a hukumance kan lamarin amma a halin yanzun suna cigaba da bincike.
Yan sanda sun ɗauki mataki
Kakakin rundunar yan sandan jihar Bayelsa, SP Asinim Butswat, yace hukumar yan sanda ta fara bincike kan ainihin abinda ya faru.
Yace:
"Lamarin mara daɗi ya auku ne ranar 4 ga watan Disamba, 2021 da misalin karfe 5:00 na yamma a gaban Glory Land drive, Igbogene, kuma ya shafi motoci biyu; Bas kirar Toyota mai lamba AKL 652 YP, da kuma wata Jeep mai lamba KMK 923 AA."
"Mun ɗauki zanen wurin da hatsarin ya faru kuma an ɗauke motocin daga wurin zuwa caji ofis ɗin Igbogene domin cigaba da bincike."
"Hakanan kuma jami'ai sun kai gawarwakin waɗan da suka mutu Asibitin koyarwa na jami'ar Neja Delta, yayin da waɗan da suka jikkata ke cigaba da jinya a nan asibitin."
Gwamnatin Kano ta sanar da ɗaukar matakin dakatar da sufurin jiragen ruwa a yankin karamar hukumar Bagwai.
Rahoto ya nuna cewa a zaman majalisar zartarwa, gwamnatin ta kafa kwamitin da zai binciko musabbabin hatsarin da ya lakume sama da rai 20.
Source: Legit
Reported by ISYAKU.COM
Latsa nan ka shiga Group dinmu na Whatsapp domin samun labaranmu kai tsaye
https://chat.whatsapp.com/CTugsexjJhBCwuOLVzkGrg
Domin aiko labari mu wallafa maka LATSA NAN
Domin zama Wakilinmu a garinku LATSA NAN
Domin Korafi/Tuntubemu LATSA NAN
Shafukan sada zumunta
Twitter twitter.com/isyakalabari
Facebook facebook.com/isyakalabari