Yammacin ranar Litinin yazo wa jama'ar Kajuru da daɗi yayin da Sarkin Kajuru, Alhaji Alhassan Damu, ya dawo cikin mutanensa bayan ɗaukar awanni sama da 24 a hannun masu garkuwa, kamar yadda dailytrust ta ruwaito.
Yan bindiga sun yi awon gaba da basaraken ne da sanyin safiyar ranar Lahadi da ta gabata, kamar yadda punch ta ruwaito.
Da farko sun nemi a basu miliyan N200m kuɗin fansa kafin su sako shi, amma awanni kaɗan bayan haka sai ga basaraken ya dawo cikin masarautarsa a jihar Ƙaduna
Amma abin takaicin shine, 'yayansa, jikokinsa, da wasu mutane dake da muƙamai a masarautar, waɗanda aka sace su tare, har yanzun suna hannun ɓarayin.
Sai dai dandazom jama'an Kajuru sun nuna tsantsar farin ciki da murna yayin da suka ga sarkin su ɗan kimanin shekara 85 ya dawo garesu.
Basaraken yayi ƙoƙarin jawabi a gaban jama'a amma saboda murnar yadda aka tarbe shi bai iya ƙarisa zancen da yayi niyya ba.
Dandazon mutanen Kajuru
Hotunan Yadda Dandazon Mutane Suka Sanya Sarkin Kajuru Hawaye Jim Kaɗan Bayan an Sako Shi Hoto: dailytrust.com
Mutanen Kajuru sun ɓarke da murna
Hotunan Yadda Dandazon Mutane Suka Sanya Sarkin Kajuru Hawaye Jim Kaɗan Bayan an Sako Shi Hoto: dailytrust.com
Mutane na murna da farin ciki
Hotunan Yadda Dandazon Mutane Suka Sanya Sarkin Kajuru Hawaye Jim Kaɗan Bayan an Sako Shi Hoto: dailytrust.com
Sarkin ya fara magana da "Mutanen Kajuru...." amma sai ya kasa ƙarisa wa, sai hawaye suka zubo masa.
Rundunar yan sanda a Kano ta gayyaci Sheikh Abduljabbar Nasiru Kabara ya bayyana a gabanta ranar Litinin.
Wannan na zuwa kwana biyu kacal da malamin yayi muƙabala da wasu malaman jihar Kano.
Source: Legit
