Yadda aka yi Jana'izar DPO da yansanda 2 a Sakaba, sun rasu bayan artabu da yan bindiga

An bizine gawar DPO na yansandan karamar hukumar Sakaba SP Jimoh Abdullahi tare da yansanda biyu na ofishinsa da Yan daban daji suka kashe a karamar hukumar Sakaba da ke Masarautar Zuru a kudancin jihar Kebbi.

FPO na daga cikin yansanda guda Tara da Yan sa Kai uku da yan daban daji suka kashe ranar Lahadi 25 ga watan Aprilu, sakamakon musanyar wuta da bindigogi tsakaninsu da Yan daban daji.

Jami'an yansanda da suka rasa rayukansu sun hada da Inspector Crime Aliyu Ibrahim, Inspector Nathan Langa, Inspector Suleiman, Inspector Simon Linglong, Inspector Samson Stephen, Inspector Borniface, Sgt. Ajimomo, Sgt. Jonathan James, da kuma Yan sa Kai Umaru Dantaru, Audu Fesse da Arage Yadga.

Dukkansu suna daga cikin ayarin yansandan kwantar da tarzoma Mopol da aka tura daga Zuru domin Kai agaji wajen kare rayuka da dukiyan jama'a a karamar hukumar Sakaba sakamakon farmakin Yan daban daji kan al'umman yankin.

DAGA ISYAKU.COM

Latsa nan ka shiga group din mu domin samun Labaran mu ta Whatsapp 
https://chat.whatsapp.com/IM8Uuxtia6qBsdKcEszx7s

Domin aiko labari, shawara ko tuntubarmu 
LATSA NAN 

SHAFUKANMU NA SADA ZUMUNTA 

Facebook.com/isyakulabari 

Twitter.com/isyakulabari