Kebbi: Bafulatani ya bindige kansa da bindiga a garin Bunza cikin kuskure


Wani Bafulatani ya harbi kansa da karamar bindigar hannu kirar gida a goshinsa a wata Ruga da ke garin Bunza da ke jihar Kebbi ta tsakkya a tarayyar Najeriya ranar Juma'a 19 ga watan Maris.

Rahotannin farko sun yi zargin cewa Bafulatanin yana wasa da bindigar ne a Rugarsu, daga bisani tsautsayi ya sa bindigar ta tashi bayan ya auna kansa a goshi da zafin rana bayan Sallar Juma'a.

Mun samo cewa jami'an yansanda jihar Kebbi reshen Bunza, sun kai wa Bafulatanin dauki, suka garzaya zuwa Asibitin garin Bunza da shi. 

Sai dai mun tattaro cewa, ana zargin cewa an tura shi zuwa babban Asibitin koyarwa ta UDUTH da ke Sokoto domin samun wadataccen kulawan kwararrun Likitoci.

Kakakin hukumar yansandan jihar Kebbi DSP Nafiu Abubakar ya tabbatar da faruwar lamarin. Ya ce yansanda na ci gaba da gudanar da bincike kan lamarin.


Latsa nan ka shiga group din mu domin samun Labaran mu ta Whatsapp 
https://chat.whatsapp.com/Cw2uhGNZiIzGM88PV4gpOI

Domin aiko labari, shawara ko tuntubarmu 
LATSA NAN 

SHAFUKANMU NA SADA ZUMUNTA 

Facebook.com/isyakulabari 


0/Post a Comment/Comments

Rubuta ra ayin ka

Previous Post Next Post