• Labaran yau


    Allah Gwani: Duba abubuwan bam mamaki biyar game da kunne.

    Fitaccen shafin fadakarwa tare da ilmantarwa na Physio Hausa, ta lissafta  wasu ababen ban mamaki game da halittar da Allah ya yi na kunne, da yadda kunne ke aiki a  jikin dan Adam.

    1. Bayan cika kyawun sifar fuska, fefan kunne na amfani ne a matsayin bututun da ke tattaro sauti zuwa cikin kunne.

    2. Kunne na ɗauke da sashin 'tsarin daidaito', wato 'vestibular system'. Wannan 'tsarin daidaito' shi ne ke samar da daidaituwar gangan jiki. Misali, shi ne ke bai wa mutum damar ya tsaya a tsaye cak ba tare da ya tasgaɗe ko ya karkace ba. Haka nan, wannan tsari shi ne ke ankarar da mutum cewa ya karkace ko ya yi layi yayin da yake tsaye ko zaune. Kuma rikecewar wannan tsari na daga cikin matsalolin da ke kawo cikas wajen tafiya da kuma janyo hajijiya / juwa.

    3. Dodon kunne, wato 'cochlea' a turance, shi ne ke sarrafa sauti sannan ya sauya shi zuwa saƙonnin lantarki don aikewa da su zuwa ƙwaƙwalwa domin ta bayar da fassarar sautin da mutum ya ji a kunnensa.

    4. 'Dauɗar kunne' kamar yadda Bahaushe ke kiran ta, sai dai a gaskiyar lamari 'dauɗar kunne' ba dauɗa ce da aka sani ba. A likitance, 'dauɗar kunne' wani ruwa ne mai ɗan kauri da ɗanko da kunne ke samarwa don bai wa cikin kunnen kariya daga baƙin abubuwa da ka iya shigowa daga waje kamar ƙura, yayi, gashi, ƙwayoyin bakeriya da sauransu. Danna wannan link don ganin cikakken bayani kan amfanin dauɗar kunne da illar ƙwaƙwale ta:
    https://m.facebook.com/story.php?story_fbid=679364076136195&id=196502401089034

    5. Ƙashin da ya fi kowanne ƙashi ƙanƙanta a jikin mutum na nan a taskiyar kunne, wanda ake kiransa da 'stapes' a turance.


    Latsa nan ka shiga group din mu domin samun Labaran mu ta Whatsapp
    https://chat.whatsapp.com/CSYKJgAmLEF4s1dle0Ug6J

    Domin aiko labari, shawara ko tuntubarmu
    LATSA NAN

    SHAFUKANMU NA SADA ZUMUNTA

    Facebook.com/isyakulabari



    • Facebook Comments
    Item Reviewed: Allah Gwani: Duba abubuwan bam mamaki biyar game da kunne. Rating: 5 Reviewed By: -
    Koma Sama