Falana ya furta wadannan kalamai ne lokacin da yake tattaunawa da gidan Talabijin na Channels, ya ce "Shugabannin tsaron sun zarce shekara 35 na aiki kamar yadda doka ta shata".
A tattaunawar, Falana ya kara da cewa " Karkashin dokokin aikin Najeriya, kuma karkashin dokokin aikin sojin Najeriya, sashe na 6 na dokokin aikin soji, an ba shugaban kasa dama ya yi dokoki, amma ba inda dokar ta ba shi dama ya tsawaita wa'adin aikin shugabannin tsaro fiye da lokaci da doka ta kayyade".
" Can baya an yi haka, amma wannan ba hujja bane. Dole kowa ya kasance daidai da kowa a fuskar doka, ba adalci bane ka ce ma wasu su ajiye aiki domin sun cika shekara 35 suna aiki, lokaci daya kuma ka kara wa'adin aiki ga wasu, bayan sun zarce shekara 35 suna aiki, ko sun cika wa'adin shekara 60 da haihuwa".
" Na san za a shigar da kara a kan wannan lamari" inji Falana.
DAGA ISYAKU.COM
Latsa nan ka shiga group din mu domin samun Labaran mu ta Whatsapp
https://chat.whatsapp.com/JC5tMMqXxKR6qWjM98ZwLA
Domin aiko labari, shawara ko tuntubarmu
LATSA NAN
SHAFUKANMU NA SADA ZUMUNTA
Facebook.com/isyakulabari
Twitter.com/isyakulabari
