EFCC ta fallasa Ministar Shugaba Jonathan da ta wawuri $2.5 a cikin shekara 5

 Rahotun Legit Hausa

Shugaban hukumar EFCC na rikon kwarya, Ibrahim Magu, ya sake kira ga Birtaniya ta dawo da tsohuwar Ministan man Najeriya, Misis Diezani Alison-Madueke, gida. Ibrahim Magu ya bayyana cewa hukumar EFCC ta gabatar da kara a kan Diezani Alison-Madueke, wanda ta tsere daga Najeriya tun kafin Shugaba Buhari ya hau kan mulki.

EFCC ta fara kokarin dawo da Alison-Madueke gida domin ayi mata shari’a tun 2018, amma lamarin ya gagara. Mista Ibrahim Magu ya ce su na gamuwa da kalubale. Mukaddashin shugaban na EFCC ya yi wannan jawabi ne a wata hira da ya yi da ‘Yan jarida a Garin Kaduna.

Magu ya ce Diezani Alison-Madueke ta saci kudin gwamnati. Mista Magu ya ce abin da Misis Diezani Alison-Madueke ta sace a lokacin da ta ke rike da kujerar Ministan man mai a gwamnatin Najeriya ya kai akalla fam Dala biliyan 2.5.

Abin da Diezani-Madukwe ta sace ya haura Biliyan 870 a kudin Najeriya Source: Depositphotos “Ina Landan a shekarar nan, mun yi bincike da Tawagar Ingila, kuma duk inda na je, ina kiran a dawo mana da Barayin Najeriya su maido mana da dukiyarmu.” Inji Magu. “Matar nan ta saci kudi sosai, abin da ya kai akalla Dala biliyan 2.5.

Amma abin takaici an samu wasu gungun Barayi da su ke mara mata baya. Wannan ba abin kirki ba ne.” “Mu na magana da kasashen ketare, ta na tsare a wani wuri ana kare ta, ba don haka ba, da mun kama ta, mun dawo da ita Najeriya.

Ba za mu kyale rashin gaskiya a nan ba” Mukaddashin shugaban hukumar ta EFCC ya fadi irin hadarin rashin gaskiya, tare da bayyana cewa sun rufe asusu rututu wadanda ake zargin cewa akwai kudin sata a ciki. Diezani Alison-Madueke ta rike Ministan mai na shekaru biyar a Najeriya, Kafin nan ta rike kujerar Ministan sufuri. Ana zarginta da satar makudan kudi daga dukiyar kasa.

DAGA ISYAKU.COM
Latsa nan ka shiga group din mu domin samun Labaran mu ta Whatsapp
https://chat.whatsapp.com/JC5tMMqXxKR6qWjM98ZwLA

Domin aiko labari, shawara ko tuntubarmu
LATSA NAN

SHAFUKANMU NA SADA ZUMUNTA

Facebook.com/isyakulabari

Twitter.com/isyakulabari
Previous Post Next Post

Celebrity Gifts

Facebook

Latsa nan ka shiga group namu na WhatsApp domin samun labarai kai tsaye https://chat.whatsapp.com/EcJXY08Ikrx63mQ7F6TJfL

Domin zama wakilinmu garinku LATSA NAN

Korafi/ Shawara/ Tuntube mu LATSA NAN