Wadannan Sinadarai kuma na taimakawa wajen magance wasu matsaloli da cututuka kamar su tari, tsutar ciki, ciwon koda, ciwon asthma, majinar dake taruwa a kirji da sauransu.
Yara da dama basu cika son miyar nan ba sakamakon Kasancewar yadda wadansu mata ke girkawa, Miyar dai nada gwanin dadi idan aka sarrafata da kyau
Abubuwan da za a bukata wajen sarrafa miyar sune:
1 - Kuka
2 - Banddar kifi
3 - Kaza/nama
4 - Citta
5 - Attarugu
6 - Albasa
7 - Magi
8 - Man shanu
9 - Daddawa
10 - Man shanu
Hadi
Da farko Uwar gida za ta wanke Kazarki ko nama yadda ya kamata sannan ta daura a wuta. Ta yayyanka albasa da tafarnuwa da dan gishiri kadan sosai, har hadin ya tafasa. Sannan ta dauko kifi banda kamar daya ta wanke da ruwan zafi sannan ta zuba. Ta jajjaga attarugu hade da daddawa sai sunyi laushi sannan ta zuba. Ta samu garin citta kadan ta zuba da magi.
Idan an fara jin kamshin kifi ya bayyana, alama ce cewa kifin ya nuna sannan a tsame kazar ko namar a ajiye a gefe sannan a debo garin kuka a rika kadawa kadan-kadan ta yadda ba za ta yi gudaji ba. Sannan ta rage wuta ya dan sake tafasa kadan. Idan tana bukatar sanya tokar miya, sai ta zuba kadan ta sake gaurayawa sannan ta sauke.
Wata miyar kukan Idan aka bar ta a wuta sai ki ga miyan ta tsinke ko ta yi ruwa, wa ta kuma in taji wuta kauri miyan ya ke yi. Sai a lura
A tuka tuwon dawa ko na masara ko kuma na shinkafa sannan aci da man shanu.
Daga al'ummata
DAGA ISYAKU.COM Latsa nan ka shiga group din mu domin samun Labaran mu ta Whatsapp https://chat.whatsapp.com/DTV1WsH2ypv0WtRujXbA0F SHAFUKANMU NA SADA ZUMUNTA Facebook.com/isyakulabari Twitter.com/isyakulabari
