Legit Hausa
Sheikh Mohammed Yakoob, dan uwan shugban kungiyar Islamic
Movement of Nigeria (IMN), Sheikh Ibrahim El-Zakzaky ya yi fashin bakin kan
rayuwan shugaban na 'Yan Shi'a tun yana kuruciyya zuwa girmansa musamman yadda
Iran tayi amfani da kudi don sauya tunaninsa ya shiga Shi'a.
Ted Odugwu ya yi hira da Sheikh Yakoob na a filin tashi da
sauran jirage na Aminu Kano a hanyarsa ta zuwa kasar Saudiyya don sauke farali
a bana. Ya ce El-Zakzaky mutum ne da ke da baiwar haddace karatu ta sauran
fahimtar duk abinda ya karanta tun lokacin da suke makarantar frimare. Yakoob
ya ce, "Bayan mun kammala firmare.
El-Zakzaky ya tafi Kwallejin Horasa da Malamai na Kano (FCE
Kano) yayin ni kuma ta nafi Kwallejin Horas da Malamai ta Katsina. A lokacin ne
ya kulla alaka da Iran amma bai zaman dan Shi'a ba. "Amma bayan ya kammala
karatun digiri daga Jami'ar Ahmadu Bello da ke Zaria, ya fara tara dalibai yana
musu wa'azin addinin musulunci.
Ya koyo wannan salon ne daga Iran kuma ya fara samun kudi.
Iran ta gayyaci shi zuwa kasar domin ya shiga Shi'a sannan su fara bashi kudin
tallafi. Da farko El-Zakzaky sunni ne amma Iran tayi amfani da kudi wurin sauya
tunaninsa. "El-Zakzaky ya zama dan Shi'a ne bayan ya ziyarci Iran inda
suka masa alkawarin nada shi wakilin Shi'a a Najeriya.
Ya canja sosai musamman saboda kudin da ya ke samu daga
Iran." Shiekh Yakoob ya kara da cewa baya tare da dan uwansa saboda
akidarsa ta Shi'a ba su son zaman lafiya da girmama dokokin kasa hakan yasa
'yan Shi'an suka kaiwa Hafsan Sojojin Kasa ta Najeriya, Laftanat Tukur Buratai
hari inda suka hana shi wucewa domin hallartar taro a Zaria. Ya kuma ce 'Yan
Shi'a ne umml abba'isin fitintunin da ake fama da su a yankunan gabas ta
tsakiya musamman kasashen Iraqi, Yemen da Syri'a.
Shiga shafinmu na Facebook facebook.com/isyakunews
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/D9SKfH2BjM4Deldar0KkFN
Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi