Legit Hausa
Hukumar 'yan sandan jihar Neja ta
kama wata mata Hafsat Aliyu mai shekaru 50 a duniya, da danta Babangida Usman,
da zargin hada baki suka kashe mahaifin yaron mai suna Ali Haruna. Lamarin ya
faru ranar 13 ga watan Afrilu, 2019, a bayan makarantar firemare ta Shango dake
karamar hukumar Chanchaga.
Rahotanni sun nuna cewa Usman da
mahafiyarsa sun tarar wa mahaifin Usman din a lokacin da suka samu hatsaniya da
mahaifiyar ta shi, inda ya lura da cewa mahaifin nasa ya na takurawa mahaifiyar
ta sa a lokuta da dama.
A cewarsa, shi kawai ya yi kokarin
ya kare mahaifiyarsa ne daga dukan da mahaifinsan ya ke mataa, inda shi kuma ya
fadi ya mutu. Jami'in hulda da jama'a na hukumarr 'yan sandan jihar, Mohammed
Abubakar, shine ya tabbatar da faruwar lamarin, inda ya kara da cewar wadanda
ake tuhumar sun amsa laifinsu.
Abubakar ya ce Usman da Mahaifiyarsa
sun yiwa marigayin mummunan rauni, wanda ya mutu yayin da aka kai shi asibitin
Ibrahim Badamasi Babangida don yi mishi magani, ya kara da cewa za a gurfanar
da wadanda ake zargin a kotu bayan sun kammala bincike.
Ku biyo mu a Facebook facebook.com/isyakunews
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/CM9VNSwQfZnIDKvffzvbiM
Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi
