Legit Hausa
Sabuwar
hukumar da gwamnatin shugaban kasa Muhammadu Buhari ta kirkiro da zai mayar da
hankali wajen da yankin Arewa maso gabashin Najeriya,NEDC, zata fara aiki nan
bada jimawa da kudin fara aiki da suka kai N55,000,000,000.
Legit.ng
ta ruwaito sakataren gwamnatin Najeriya, Boss Gida Mustapha ne ya tabbatar da
haka a yayin da yake ganawa da manema labaru a ranar Lahadi, 3 ga watan Maris a
garin Yola ta jahar Adamawa, inda yace ana kan gabar karshe na shirye shiryen
fara aikin hukumar.
A
jawabinsa, Boss ya bayyana cewa gwamnatin Buhari zata baiwa hukumar kudin fara
aiki na naira biliyan goma, yayin da kasafin kudin hukumar na shekarar 2019 ya
kai naira biliyan 45, sa’annan majalisar dattawa zata amince da sunayen yan
majalisan zartarwa ta hukumar.
Haka
zalika Boss ya bayyana wasu ayyukan da gwamnatin Buhari keyi na rage radadin
mawuyacin halin da al’ummar yankin Arewa maso gabas suke ciki, inda yace
gwamnatin na gina tagwayen hanyoyi daga Abuja zuwa Yola da kuma layin dogo na
zamani da zai hada manyan biranen jihohin gaba daya. Da yake tsokaci game da
rawar da APC ta taka a zaben shugaban kasa daya gabata kuwa, Boss yace:
“Bana jin
APC ta taka mummunan rawa, a ganina APC ta yi kyan kai a zaben daya gabata,
kada ka manta Atiku Abubakar dan jahar Adamawa ne. “Kuma fa Atikun nan ya dade
yana siyasa na tsawon shekaru 20, kuma ya taba zama mataimakin shugaban kasa na
shekara 8, don haka nake ganin kamata yayi a yaba ma APC saboda bambancin
kuri’un Atiku da Buhari bai wuce 30,000 ba.” Inji shi.
Daga
karshe Boss yayi kira ga yayan jam’iyyar APC dasu kasance masu hadin kai, su
zamto tsintsiya madaurin daya domin da haka ne kadai APC zata kai ga gaci a
zaben gwamnoni da yan majalisun jaha da zai gudana a ranar 9 ga watan Maris.
DAGA ISYAKU.COM
Ku biyo mu a Facebook facebook.com/isyakunews
Latsa nan ka shiga group din mu domin samun Labaran mu ta Whatsapp >>> https://chat.whatsapp.com/CM9VNSwQfZnIDKvffzvbiM
Domin GYARA wayarka ko FLASHING ka zo SENIORA TECH shago mai lamba 50 hawa na sama, TAUSHI PLAZA, Ahmadu Bello Way Birnin kebbi