• Labaran yau

    Duba abin da wasu matasa suka yi da sunan Adamu Aliero a jihar Kebbi. Hotuna

    Isyaku Garba | 20-8-2018


    Kungiyar nan da ke karadin taimaka wa Sanata Adamu Aliero, mai suna Aliero Suport Organisation karkashin jagorancin Anas Ibrahim Sanusi Chairman, Shamsu Saidu Aliero Campaign Director , Basiru Muh'd Project Director, da Najashi Muhd V.Chairman, sun bayar da taimako ga gajiyayyu da marasa karfi a garin Birnin kebbi, Kalgo, Bunza,  Maiyama da Gwandu.

    Tawagar ta fara ziyartar gidan Marayu da ke garin Birnin kebbi da sanyin safiyar Lahadi 18 ga watan Agusta inda ta sallama gidan Marayun da alherin katon Rago, sai kuma ta bisu da shadda guda biyu da turame guda uku, da buhun shinkafa goma. Amma fa kafin nan, kungiyar ta fara ziyartar unguwar Gesse inda ta bayar da taimakon buhu goma na shinkafa, shadda goma, buhun shinkafa goma da atamfa ashirin. Kafin tawagar ta bar garin Birnin kebbi, sai da ta ziyarci Asibitin Sir Yahaya, ta bi daki-daki ta bayar da taimakon kudi ga bayin Allah da ke kwance.

    Daga garin Birnin kebbi fa sai garin Kalgo, inda tawagar ta kai ziyaran ban girma tare da neman tuwassali, ta sallama daga bisani yan tawagar suka fadi suka yi gaisuwa ga Sarkin Gobir na Kalgo Alh. Haruna Jadda Bashar, nan ne fa uban tafiya Anas Ibrahim Sanusi, ya shaida wa Sarki makasudin zuwansu. Daga bisani tawagar ta bayar da yadi goma, atamfa goma tare da buhun shinkafa goma. Bayan wannan ne fa ,Basaraken, ya bayyana farin cikinsa bisa yadda yan wannan tawaga suka sa tsoron Allah, kuma suka gudanar da wannan taimako ga gajiyayyu tare da yi masu addu'a tare da Sanata Adamu Aliero, suna da masu iya magana ke alakantawa da Ainun bushra.

    Kafin tawagar ta fice daga garin Kalgo mai tarihin al'adu a kasar Masarautar Gwandu, sai da ta leka marasa lafiya a  cikin Asibitin garin Kalgo, kuma ta sada marasa lafiya da alherin bazata ta hanyar damka masu kudade a hannayensu a matsayin taimako.

    Daga nan ne fa tawagar ta zarce zuwa garin Bunza, inda a nan ma ta sami albarkar Fadar Sarkin Bunza Dr. Mustapha Bunza, wanda ya yi ma tawagar kyakkyawar tarbo tare da mika godiyar jama'arsa ga tawagar da kuma Sanata Adamu Aliero. A nan garin Bunza ma , tawagar ta bayar da taimakon buhu goma na shinkafa, shadda goma tare da turmin zane guda ashirin. Bayan Fadar Sarki, tawagar ta shiga Asibitin garin Bunza, bayan addu'an neman Allah ya baiwa marasa lafiya sauki, sai tawagar ta bi marasa lafiyan da kunshin kudi gado zuwa gado kowa ya sami taimakon.

    Daga garin Bunza fa tawagar ta yi bankwana da abokan arziki, aka sha ruwa, aka yi Sallah, sai fa tawagar ta zarce kai tsaye zuwa garin Gwandu, inda a nan ma ta gabatar da taimakon wanda Ajiyan Sarkin Gabas na garin Gwandu Alh. Biza ya wakilta, ya yi wa tawagar kyakkyawar addu'a daga bisani tawagar ta gabatar da buhu goma , atamfa guda ashirin, sai shadda guda goma., bayan haka, sai tawagar ta dira Asibitin garin Gwandu, a nan ma ta bi daki-daki ta raba wa Marasa lafiya kudi hannu da hannu.

    Toh fah, ka ji aikin alhairi daga dan alhairi mai tunanin alhairi, kuma wakili mai mukamin Sanata wanda ke wakiltar al'umar Kebbi ta tsakiya a Zauren masu fararen gemu na Majalisar Dattwa ta Najeriya watau Alh. Adamu Aliero, ta hanyar tunani irin na hazikan amintattun matasa masu karadin ganin nassarar Sanata Adamu Aliero karkashin kungiyar Aliero Support Organisation.

    Latsa nan ka shiga group din mu domin samun Labaran mu ta Whatsapp >>> whatsapp://chat?code=41x2TuRqdVQ9PrcrucqpTu Shiga cikakken shafin mu kai tsaye www.isyaku.com Tuntube mu ta SMS ko TEXT kawai zuwa 08087645001 ba mu amsa kira

    • Facebook Comments
    Item Reviewed: Duba abin da wasu matasa suka yi da sunan Adamu Aliero a jihar Kebbi. Hotuna Rating: 5 Reviewed By: -
    Koma Sama
    .disablecopypaste { -webkit-user-select: none; Chrome/Safari/Opera/Opera mini -moz-user-select: none; Firefox -ms-user-select: none; Internet Explorer/Edge -webkit-touch-callout: none; iOS Safari} And in your html:

    This text can’t be copied (cannot be selected).

    // Deactivating distracting Text Selection: // from: http://stackoverflow.com/questions/1794220/how-to-disable-mobilesafari-auto-selection $.fn.extend({ disableSelection : function() { this.each(function() { this.onselectstart = function() { return false; }; this.unselectable = "on"; $(this).css('-moz-user-select', 'none'); $(this).css('-webkit-user-select', 'none'); }); } }); $(function() { $(this).disableSelection(); });