• Labaran yau


    Yadda karawar Real Madrid da Liverpool ta kasance a baya

    A ranar Asabar din nan ne dai kungiyoyin kwallon kafa ta Real Madrid da Liverpool za su fafata wasan karshe na gasar zakarun Turai ta shekarar 2018.

    Real Madrid ce ta fara kai wa wasan karshe na gasar bayan ta doke kungiyar kwallon kafa ta Bayern.
    Ita kuwa Liverpool ta samu zuwa wasa na karshen ne bayan ta doke Roma.

    Sai dai kuma ba yau ba ne kungiyoyin biyu suka fara karawa a wasan kwallon kafa ba

    Tarihin karawar kungiyoyin biyu

    Kuma kawo yanzu dai Liverpool ce ta fi yin nasara a kan Real Madrid a fafatawar da suka yi a baya.
    Kungiyoyin dai sun fara haduwa ne a gasar European Cup ranar 27 ga watan Mayun shekarar 1981 inda Liverpool ta doke Real Madrid da ci daya da nema.

    Daga nan kungiyoyin ba su sake haduwa ba sai ranar 25 ga watan Fabrairun shekarar 2009 inda Liverpool ta sake doke Real Madrid da ci daya da nema a gasar zakarun Turai.

    A ranar 10 ga watan Maris na shekarar 2009 din ne dai Liverpool ta sake lallasa Real Madrid da ci hudu da nema a gasar ta zakarun Turai.

    Sai dai kuma ita Real Madrid ta dauki fansa a fafatawar da suka yi ranar 22 ga watan Oktobar shekarar 2014 inda ta lallasa Liverpool ta ci uku da nema a gasar zakarun Turai.

    Kazalika Real Madrid ta sake doke Liverpool a karawar da suka yi cikin gasar zakarun Turai ranar hudu ga watan Nuwambar shekarar 2014.

    Wannan ya nuna cewa kawo yanzu Liverpool ta yi nasara kan Real Madrid sau uku yayin da ita Real Madrid ta doke Liverpool sau biyu a fafatawar da suka yi kafin ranar Asabar 26 ga watan Mayun shekarar 2018.

    Daukar kofin gasar zakarun Turai

    Kungiyar kwallon kafa ta Real Madrid ita ce kungiyar da ta fi ko wace cin kofin na gasar zakarun Turai inda ta lashe kofin sau 12.

    Bugu da kari, kungiyar ce ta lashe gasar sau uku cikin kaka uku da suka wuce.

    Kuma za ta yi kokarin cigaba da kasancewa mai rike da kofin a fafatawar da za ta yi da Liverpool a yau.

    Ita kuwa Liverpool ta ci kofin sau biyar a baya.

    Tana fatan kasancewa daya daga cikin kungiyoyi kadan da suka taba cin kofin sau shida in ta yi nasara a ranar Asabar.

    Shekarar 2005 ce shekarar da Liverpool ta ci gasar a karo na biyar.

    Don samun labaranmu ta Whatsapp ka rubuto YES a SMS zuwa 08087645001. Shiga cikakken shafinmu. www.isyaku.com

    #BBC 
    • Facebook Comments
    Item Reviewed: Yadda karawar Real Madrid da Liverpool ta kasance a baya Rating: 5 Reviewed By: -
    Koma Sama