Mutum 4 sun mutu 19 sun jikata a wani hadarin mota a jihar Kano

Mutum hudu ne aka tabbatar sun mutu yayin da goma sha tara suka sami raunuka a wani mumunar hadarin mota da ya auku wanda ya rutsa da motoci da dama a kan hanyar Bauchi daga Dogon Danmarke a karamar hukumar Wudil da ke jihar Kano.

Kakakin hukumar kashe gobara na jihar Kano Alh. Saidu Muhammed ya ce hadarin ya faru da misalin karfe 10:44 na safe ranar Juma'a .

Muhammed ya ce samun labarin aukuwar hadarin ke da wuya sai suka tura jami'an su wadanda nan take suka shiga aikin taimaka wa wadanda lamarin ya rutsa da su a cikin motoci uku da suka hada da Toyota Hummer, SA 297 GME; Golf, SSP 134 ES; da Sharon Golf, SA 158 PAT wadanda suka yi karo da juna a hadarin.

Tuntube mu ko aiko Labari zuwa isyakulabari@gmail.com Don samun labaranmu ta Whatsapp ka rubuto YES a SMS zuwa 08087645001. Shiga cikakken shafinmu. www.isyaku.com