Gwamnatin jihar Kebbi ta ayyana Juma'a 22, Satumba ranar hutu

Gwamnatin Jihar Kebbi karkashin Jagoracin Gwamnan Jihar Sen Abubakar Atiku Bagudu ta ware gobe Juma'a  1 Al-Muharram 1439 AH Wanda ya yi daidai da 22/09/2017 a Matsayin Hutu, na Sabuwar Shekarar Musulunci.

Wannan ya biyo Bayan sanarwar da Mai Alfarma Sarkin Musulim, Sa'adu Abubakar lll ya fitar na ganin jinjirin Watan Al-Muharram 1439 yau a fadarsa da ke Sokoto.

Kuma Maigirma Gwamnan Jihar Kebbi Sen Abubakar Atiku Bagudu ya tara Sarakun Gargajiya yau a Fadar Gwamnatin Jihar, da su bada Wannan sanarwar a Masallatan Juma'a tare da yi ma kasa addu'ar zama lafiya da kuma Kara ma shugaban kasa Muhammad Buhari Kwarin guiwa wajen gudanar da Mulkin sa.


Kaunace mu a Facebook https://www.facebook.com/isyakuweb Don samun labaranmu ta Whatsapp ka rubuto YES a SMS zuwa 08087645001. Shiga cikakken shafinmu. www.isyaku.com