An kama 'dan sandan bogi da mukamin Sgt

Rundunar 'yan sanda a jihar Rivers ta kama wani dansandan bogi Sgt.Benjamin Tanko sanye da tufafin 'yansanda a garejin mota na Oil Mill a garin Port Harcourt ranar Laraba.

Sashen sa ido na musamman na safeto janar na 'yan sanda a jihar River karkashin jagorancin SP Grace Wanwo ta kama Benjamin. An sami katin shaida na 'yansanda har kala uku a gurinsa wadda ke dauke da lambar aikin 'dansanda da suka banbanta da juna.

Benjamin dan asalin garin Kajuru a karamar hukumar Kajuru na jihar Kaduna zai bayyana gaban kuliya idan an kammala bincike kamar yadda majiyarmu ta labarta.

Kaunace mu a Facebook https://www.facebook.com/isyakuweb Don samun labaranmu ta Whatsapp ka rubuto YES a SMS zuwa 08087645001. Shiga cikakken shafinmu. www.isyaku.com