Da duminsa: Dalilai da suka sa Tinubu ya dakatar Emefele a CBN sun bayyana

Shugaba Bola Tinubu ya dakatar da Godwin Emefiele a matsayin gwamnan babban bankin Najeriya CBN.

 Sanarwar da Daraktan Yada Labarai na Ofishin Sakataren Gwamnatin Tarayya, Willie Bassey ya fitar, ta ce an dakatar da Emefele ne saboda wani bincike da ake yi a ofishinsa.

 Sanarwar ta ce:

 “Shugaba Bola Ahmed Tinubu ya dakatar da gwamnan babban bankin kasa, Godwin Emefiele, CFR daga aiki ba tare da bata lokaci ba.

 Wannan dai ya biyo bayan binciken da ake yi ne da ya shafi ofishin sa da kuma sauye-sauyen da ake shirin yi a bangaren hada-hadar kudi na tattalin arzikin kasar.

 “An umurci Mista Emefiele da ya gaggauta mika al’amuran ofishinsa ga Mataimakin Gwamnan  (Ayyukan Ayyuka), wanda zai yi aiki a matsayin Gwamnan Babban Bankin kasar har sai an kammala bincike da kuma gyara.” A cewar Sanarwar.

BY isyaku.com