Dakarun Operation Desert Sanity da ke Maiduguri a jihar Borno sun kama wasu sojoji uku da ake zargi da satar alburusai.
Kamar yadda jaridar Punch ta ruwaito, an kama sojojin ne a wani samame da suka kai a wuraren ajiye motoci da ke kan titin Njimtilo a Maiduguri.
Wata majiyar soja ta shaida wa jaridar cewa biyu daga cikin sojojin na kan hanyar zuwa Markudi ne, yayin da daya ke tafiya Abuja. An ce daya daga cikin sojojin ya boye alburusan a cikin buhun shinkafa.
Majiyar ta ce, “A ranar 2 ga watan Disamba, sojoji sun gudanar da aikin bincike a Tashar motoci sannan kuma a kan titin Njimtilo da ke Njimtilo, an kama sojoji uku. Daya yana kan hanyar zuwa Makurdi da zagayen albarussai 250 na 7.62 MM.
“Wani kuma da ke kan hanyar zuwa Makurdi an kama shi da mujallu guda hudu cike da zagaye 110 na albarussai da aka boye a cikin buhun shinkafa.
“Soja na karshe zai je Abuja. An kama shi da zagaye 14 na 7.62MM. Wadanda ake zargin suna tsare yayin da ake ci gaba da bincike. "
From ISYAKU.COM