Tola Odeyemi, wanda aka nada sabon babban jami’in hukumar ta NIPOST, ya fara aiki a hedikwatar hukumar da ke Abuja. Daily trust ta ruwaito.
Daily trust ta ruwaito yadda wasu ma’aikatan hukumar da suka fusata suka rufe babban ofishin da ke Abuja, inda suka ce suna adawa da nadin nata.
A makon da ya gabata ne dai shugaban kasa Bola Tinubu ya kori Adeyemi Adepoju a matsayin shugaba/Post Master General na hukumar tare da nada Odeyemi.
Sanarwar da Ajuri Ngelale, mai magana da yawun shugaban kasar ya fitar, na daga cikin sauya shekar shugabancin da aka aiwatar ga hukumomi da ma’aikatu a karkashin ma’aikatar sadarwa, kirkire-kirkire da tattalin arzikin dijital.
Da yake jawabi yayin wata zanga-zanga a hedikwatar NIPOST da ke Abuja, Shugaban kungiyar ma’aikatan gidan waya da sadarwa ta kasa, Mista Buba Nehemiah, ya ce sabon nadin ya saba wa bukatun ma’aikatan.
Ya ce Adepoju ya gabatar da manyan gyare-gyare a kasa da shekara guda kuma ya kamata a karfafa shi ya ci gaba da "aiki mai kyau".
“Ya kamata a bar Sunday Adepoju ya ci gaba da ayyukan alheri da ya fara. Bama adawa da shugaban kasa haka zalika bama adawa da minista amma burinmu shine a bar aikin na Adepoju ya cigaba. Cire shi a wannan lokacin zai kawo Æ™arshen waÉ—annan matakai kuma ya mayar da NIPOST zuwa fage na É—aya wanda muke adawa da shi. Muna da ma’aikata sama da 13,000 a nan, da zarar ya ruguje, zai kara wa kasar nan matsalar rashin tsaro.”
"Ba mu damar yin aiki tare da wanda ya fahimci wannan kungiyar. Ka ba mu damar hada hannu da shi wajen kai wannan kungiya ta yadda za ta samar da kudaden shiga ga al’umma. Wannan shi ne kukanmu da bukatarmu. Sharadi daya da zai sa mu koma ofisoshinmu mu yi aiki shi ne a soke nadin da aka yi a makon jiya,” inji shi.
Sai dai Odeyemi ta shiga ofishin ne da misalin karfe 1:00 na rana kuma ya shiga ganawa da manyan Daraktoci.
Kujerar da aka mika mata ta ki yarda ta zauna. Odeyemi ita ce mace ta farko da aka nada a matsayin shugabar hukumar NIPOST.
From ISYAKU.COM