Shugaba Bola Ahmed Tinubu ya yi Allah wadai da kashe-kashen da aka yi kwanan nan a karamar hukumar Mangu ta jihar Filato da wasu sassan jihar Benue. PM News ya rahoto.
Tinubu, a cikin wata sanarwa da Dele Alake, mai ba da shawara na musamman, ayyuka na musamman, sadarwa da dabaru ya fitar, ya ce:
“Abin takaici ne cewa a wannan tashin hankalin, wani jariri dan wata takwas da ba shi da laifi a unguwar Farin Lamba da ke gundumar Vwang, karamar hukumar Jos ta Kudu, ya mutu a rikicin".
Domin dawo da amana da dawo da zaman lafiya a wadannan wuraren da ake fama da rikici, Tinubu ya bukaci shugabannin al’umma da malaman addini da sarakunan gargajiya da kungiyoyin al’adu da kuma shugabannin kungiyar Arewa Consultative Forum, Jama’atu Nasril Islam, da kungiyar Kiristoci ta Najeriya da su hada kai da juna. don taimakawa wajen samar da zaman lafiya na gaske kuma mai dorewa.
Yayin da yake jaddada aniyar gwamnatinsa na kawar da munanan laifuka da duk wani nau'in laifuka a ko'ina a Najeriya, shugaban ya umurci hukumomin tsaro da su kakkabo masu shirya munanan ayyuka domin fuskantar fushin doka.
Tinubu, ya bukaci gwamnatocin jihohin Filato da Binuwai da hukumomin bayar da agajin gaggawa da su bayar da tallafi da kuma agajin gaggawa ga wadanda rikicin ya rutsa da su.
Published by isyaku.com