Kotun koli ta umarci gwamnatin shugaban kasa Muhammadu Buhari da ta bar tsofaffin takardun kudi na N200, N500, da N1,000 a ci gaba da amfani da su har zuwa ranar 31 ga Disamba, 2023. Intelregion ta wallafa.
Kotun kolin ta kuma soke manufar gwamnatin tarayya na sake fasalin Naira, inda ta bayyana hakan a matsayin cin fuska ga kundin tsarin mulkin 1999.
Kotun kolin ta ce shugaban bai bi tanade-tanaden kundin tsarin mulkin kasar ba kafin aiwatar da manufar, ta hanyar tuntubar kwamitin tsaron kasa da majalisar tattalin arzikin kasa kafin aiwatar da shi.
Mai shari’a Emmanuel Agim, wanda ya karanto hukuncin a ranar Juma’a, 1 ga Maris, 2023, ya ce an kori karar farko da wadanda ake kara (Atoni Janar na Tarayya, Bayelsa, da Edo) suka yi, saboda kotu na da hurumin sauraren karar.
Kotun ta ambaci sashe na 23 (2) 1 na kundin tsarin mulkin kasar, cewa takaddamar da ke tsakanin tarayya da jihohi, dole ne ta kunshi doka ko gaskiya.
Kotun kolin ta ci gaba da cewa, shugaban kasa Muhammadu Buhari a lokacin da yake yada labaransa, ya amince cewa manufar tana da kura-kurai da kalubale da dama.
Kotun ta ce manufar ta sanya wasu mutane yin fatauci a wannan zamani, da nufin ci gaba da rayuwa. Kotun ta kara da cewa rashin bin umarnin shugaban kasar na ranar 8 ga watan Fabrairu, alama ce ta kama-karya.
Jihohi 16 na Tarayyar ne suka shigar da karar don kalubalantar halaccin gabatar da manufofin ko akasin haka.
An tsara karar da jihohin Kaduna, Kogi da Zamfara suka kafa a farko a matsayin shari’a ta farko a jerin dalilan da za a yanke hukunci na karshe.
Mai shari’a John Inyang Okoro wanda ya jagoranci kwamitin mutane bakwai na kotun ya sanya ranar 22 ga watan Fabarairu a yau kotun ta bayyana hukuncin da ta yanke kan karar.
Jihohi 16 karkashin jagorancin Kaduna, Kogi da Zamfara suna addu’ar kotun kolin ta rushe tare da ajiye manufofinta na kuntata wa ‘yan Najeriya da ba su ji ba ba su gani ba.
Sun zargi shugaban kasa Muhammadu Buhari da yin sama da fadi da ayyukan babban bankin Najeriya (CBN) wajen bullo da tsarin da kuma aiwatar da shi tare da neman a karya dokar da Buhari ya bayar.
A nata bangaren, Gwamnatin Tarayya ta kalubalanci hurumin Kotun Koli bisa hujjar cewa CBN ce ke da hurumin aiwatar da manufar canjin kudi, don haka ya kamata a ce rigimar manufar ta kasance ga CBN domin a mika karar ga Kotun tarayya.
BY ISYAKU.COM