TikTok: Ashir Idris mai wushirya ya magantu game da kama Murja Kunya a Kano

 Ɗan TikTok ɗin nan Ashir Idris da aka fi sani da Mai Wushirya ya musanta cewa su ne suka yi ƙarar Murja a gaban Kotu. Rahotun Dala FM.

Dala FM ta ruwaito cewa a zaman Kotun sharia'ar Musulunci ta Filin Hoki da ke Kano mai gabatar da ƙara ya gabarta da tuhume-tuhume ga Murjan wanda ya bayyana cewa Idris da Aisha Najamu ta Izzar So ne suka yi ƙarar ta.

 Sai dai a hirarsa da Dala FM a yau Jumu'a Idris ya musanta inda ya ce su basu kai Murja ƙara ba.

Dala FM ta tuntubi kakakin Kotunan Musulunci na Kano a kai, wanda ya bayyana cewar abin da aka gabatar a Kotu shi ne abin da suka samu daga wajen ƴan sanda.

Mun so ji daga bakin rundunar ƴan sandan Kano amma har kawo lokacin haɗa wannan rahoto ba su ce komai ba.

Ga bayanin da Ashir Idris ya yiwa Dala FM Kano.

 Latsa nan ka saurari hirar a Dala FM