Madalla: NDLEA ta kama kwayoyin Tramadol miliyan 100, ta lalata gonakin wiwi 772 a cikin watanni 22 – Marwa


Hukumar yaki da sha da fataucin miyagun kwayoyi ta kasa NDLEA ta kwace fiye da kwayoyi miliyan 100 na opioids da Tramadol a cikin watanni 22.

Babban jami'in gudanarwa na hukumar, Brig.  Janar Mohammed Marwa (mai ritaya), wanda ya bayyana a ranar Talata, 20 ga watan Disamba, ya ce haramtattun kayayyaki na iya yin illa ga matasa a Najeriya.

Da yake jawabi a wajen bikin bayar da lambar yabo ta Commands/Commendation da kuma ado na sabbin jami’an da aka samu karin girma a hedikwatar Hukumar, Abuja, ya ce;  “A cikin wa’adin da hukumar ta dauka, ta kama masu safarar miyagun kwayoyi guda 23,907 ciki har da Madugun dillacin kwaya guda 29.  An kama fiye da ton 5,500 ko kuma kilogiram miliyan 5.5 na haramtattun kwayoyi, wadanda tare da kudaden da aka kama sun kai sama da Naira biliyan 450.

"A daidai wannan lokacin, mun kai yakin zuwa kofar masu noman wiwi ta hanyar lalata gonakin wiwi 772. 5. A cikin wadannan watanni 22, mun samu nassara an daure mutane 3,434 masu laifi a Kurkuku. Hakazalika mun samu ci gaba mai kyau a cikin mu.  Yunkurin rage buƙatun tu'ammali da miyagun magunguna inda adadin waɗanda aka ba da shawara da gyara hali ya kai 16,114.

“Alkaluman kididdiga ne kawai har sai kun duba su ta fuskar tasirin dan Adam da kuma alheri ko cutarwa da za su iya samu ga al’umma, illar lafiyar jama’a, tsaro da kuma doka da oda idan wadannan kwayoyi masu hadari sun tafi kan titi.  A dauki misali, kwayar tramadol miliyan dari da aka kama a cikin watanni 22 da suka gabata.  Idan da a ce wadannan kwayoyin sun shiga yaduwa kuma sun kare a hannun matasa, zai yi matukar illa ga rayuwa, iyalai, samar da wadataccen aiki kuma a karshe, zai shafi GDP na kasar nan saboda zai shafi wadannan matasan da su ne tahunar ci gaban kasa."

Previous Post Next Post

Information

Facebook

Latsa nan ka shiga group namu na WhatsApp domin samun Labaran mu kai tsaye

https://chat.whatsapp.com/J8ryqryDtwR9yvxrOOBlJU

Domin zama wakilinmu a garinku LATSA NAN

Korafi ko aiko labari LATSA NAN