Wasu ‘yan bindiga da ba a san ko su wanene ba sun kashe jami’an ‘yan sanda biyu da ke sintiri a hanyar Agbaja, a Lokoja, jihar Kogi.
Kakakin rundunar ‘yan sandan jihar, SP William Ovye Aya, wanda ya tabbatar wa manema labarai faruwar lamarin, ya ce ‘yan bindigar sun kai hari kan tawagar ‘yan sintiri a safiyar ranar Laraba, 21 ga watan Disamba, 2022.
"Yan bindigar sun fito daga daji suka far wa tawagar lokacin da suka isa sintiri na yau da kullum," in ji PPRO.
“Duk da haka, rundunar ‘yan sandan ta rasa jami’anta guda biyu a yayin artabu da ‘yan bindigar yayin da suka gudu kafin rundunar ta sake isowa.
“Ba tare da bata lokaci ba kwamishinan ‘yan sandan jihar Kogi, CP Akeem Yusuf ya tura wata tawagar yaki da ‘yan ta’adda zuwa yankin yayin da suke bin barayin domin cafke su tare da gurfanar da su a gaban kotu.
“Ya kuma umurci mataimakin kwamishinan ‘yan sanda, bincike da ya fara bincike kan lamarin.
“Kwamishanan ‘yan sandan ya kuma yi amfani da wannan kafar wajen yin kira ga al’ummar yankin da su taimaka wa ‘yan sandan da sahihan bayanai kan ko su wanene ‘yan ta’addan domin baiwa rundunar damar dakile ayyukan da suke aikatawa.