Gwamnatin jihar Kogi ta rufe gidajen karuwai da gidajen kwana sama da biyar a Lokoja da sauran sassan jihar. Shafin labarai na isyaku.com ya samo.
Darakta Janar na kasa da raya birane, Nazil Ochu, wanda ya jagoranci samamen da aka fara a ranar Talata, 30 ga watan Agusta, ya shawarci masu gudanar da sana’o’in a jihar da su koma wasu halaltattun sana’o’in domin gudun kada a kama su.
Ya ce atisayen shine aiwatar da sanarwar da Gwamnan jihar Yahaya Bello ya yi na cewa a rufe dukkanin gidajen karuwai da gidajen kwana domin dakile miyagun ayyuka a jihar.
Ya yi gargadin cewa duk wani gidajen karuwai da aka rufe Kuma masu suka sake budewa Gwamnati za a ruguje domin ya zama hana wasu.
Ya kara da cewa wadanda suka yi ikirarin cewa babu wata sanarwa da aka basu kafin rufewa, basu yi wa kansu adalci ba, Kuma basu da gaskiya, yana mai tabbatar da cewa ana ci gaba da gudanar da atisayen har sai an samu sakamakon da ake bukata.
A nasa jawabin, shugaban karamar hukumar Lokoja, Dan-Asabe Mohammed, ya bayyana wannan atisayen a matsayin abin farin ciki, sannan ya bukaci al’ummar jihar da su mutunta doka tare da bin umarnin gwamnatin jihar na kawar da ’yan kasuwa da suka sabawa doka a jihar. jihar
Ya yi nuni da cewa rufe gidan karuwai na Lokoja zai kawo karshen tashe-tashen hankulan da ake fama da su a babban birnin jihar, inda ya ce gidajen karuwai sun kasance maboyar ‘yan daba da ‘yan kungiyar asiri, yana mai ba da tabbacin gwamnati ba za ta yi kasa a gwiwa ba wajen samar da ingantaccen tsaro. na rayuwa da dukiyoyi ga al'ummar jihar.
