Wani dalibin Level 300 na Jami’ar Tarayya Dutsinma, Jihar Katsina, Najeeb Umar Shehu, ya caccaki mahaifiyarsa da wuka har ta mutu, kuma a lokaci guda ya karya kafar mahaifinsa da hannu, inda ya yi amfani da kwarkwasa wajen kokarin hana shi. Shafin labarai na isyaku.com ya samo.
Vanguard ta ruwaito cewa Najeeb mai shekaru 24 a Duniya ya sha nuna rashin jin dadinsa ga mahaifiyarsu Hajiya Hasiya Galadima, ma’aikaciyar Gwamnatin jihar Katsina mai ritaya, inda ya yi alkawarin kashe ta wata rana. Mahaifiyar Najeeb, Bafulatani daga Daura da mahaifinsa, Shehu Umar Balele, wanda shi ne sufeto ilimi na ma’aikatar ilimi ta Jihar Katsina, sun dade suna samun matsala da Najeeb..
Najeeb wanda makwabtansa suka sanshi da shan duk wani nau'in kwaya da kayan maye yana zargin mahaifiyarsa ce ke da alhakin rabuwar mahaifinsa da mahaifiyarsu.
Da yake ba da labarin abin da ya faru ga yan jarida, babban yaro a gidan, Mustapha Shehu Umar, wanda shi ma yana zaune a gidan ya ce:
“Mun sha fama da al’amura da yawa da shi (Najeeb). Mun kai shi wurin ‘yan sanda sau da yawa. A duk lokacin da muke son daukar mataki a kansa, Babanmu zai ƙi domin shi ne Dan Autan mu kuma yana son ya yi karatu.
Ya sha gaya wa mahaifiyarmu cewa ba ya sonta, yana mai shan alwashin cewa zai kashe ta wata rana.
Mun kai rahoton ga ‘yan sanda amma ba a dauki wani kwakkwaran mataki a kansa ba. Abin takaici yana shan taba yana shan kwayoyi iri-iri.
Don haka a ranar alhamis lokacin da ba na nan, kanwata ta zo daga gidan mijinta. Takan zo duk ranar Alhamis, don ta ci gaba da zama kamfani na uwar gidanmu.
Kai tsaye kanwata ta shigo gidan, najeeb ya rufe gate din shiga. Sannan ya nufi dakin Baban mu ya yaudare shi har bedroom dinsa da nufin ya kulle shi a dakin don gudun kada ya hana shi shirinsa amma hakan ya ci tura.
Sai ya wuce Kicin ya dauko tuwon ya dawo sit room da mahaifiyarmu take zaune ita da kuyanginta guda biyu da diyarta sannan ya rufe kofar da zata kaita falon.
Sai ya ce mata: 'Ki tuna cewa na yi alkawari zan kashe ki wata rana.' Ba tare da bata lokaci ba ya buge ta har sau biyu a kai sannan ta fadi kasa ta suma.
Da sauri kanwata ta rike shi, suka fara kokawa. Allah ya kyauta, ta iya tureshi kasa, ta bude sit room. da gudu. Nan take ya tashi ya kore ta. Baban mu ya ji hayaniyar, ya fito ya gan shi rike da tuwon. Yana kokarin kare diyarsa Najeeb ya dora mishi kafar shima ya suma kafafunsa karye.
Yar uwarmu ta samu damar bude gate din harabar gidan, ta fito da gudu zuwa wani gidan makwabcinmu.
Ganin ta fice yasa Najeeb ya koma cikin sit din, ganin cewa uwar tamu tana raye, sai ya yi amfani da kwarton ya buga mata har sai da ya tabbatar bata da rai.
Kamar bai isa ba, sai ya nufi gidana dake cikin harabar gidan. Da yaga matata sai ya fara bi ta amma Allah ya kyauta sai ta tsere zuwa gidan makwabcin mu tare da wasu mata kuma suka kulle kansu a cikin daya daga cikin dakunan.
Ya bi su har harabar gidan amma ya kasa bude kofar. Sannan ya zo bakin kofar gidan yana mai barazanar cewa duk mai karfin hali ya fito ya kalubalance shi.
Makwabtan da suka gan shi a yanzu sun sanar da ’yan sanda inda suka zo sai suka kama shi a kusa da gidan Gwamnati suka kai shi ofishin ‘yan sanda na GRA.”
A halin yanzu dai mahaifinmu yana jinya a sashin kashi na asibitin koyarwa na Katsina. Yayin da aka yi jana'izar mahaifiyar tamu kamar yadda addinin Musulunci ya tanada