Wata kotun shari’a da ke zamanta a Magajin Gari Kaduna a ranar Litinin ta ba da umarnin a kamo wani mahauci mai suna Uzairu Mainama bisa samunsa da laifin cin fuska. Shafin labarai na Isyaku News Online isyaku.com ya samo.
NAN ta ruwaito cewa Alkalin kotun, Malam Rilwanu Kyaudai, ya bayar da umarnin ne bayan da Mainama ya kasa gurfana a gaban kotu kan karar da Malam Alkasim Idris ya shigar a kansa.
Alkalin kotun ya ce wanda ake tuhumar ya gaza gabatar da kansa ko wakilinsa a kotun, inda ya ce babu wata wasika da aka aika zuwa kotu dangane da haka.
"Shaidu sun nuna cewa an yi wa wanda ake kara hidima yadda ya kamata domin ganin ya je gaban Kotu, amma ya kasa bayyana ta hanyar cin mutuncin kotu," in ji shi.
Tun da farko dai, wanda ya shigar da karar ya shaida wa kotun cewa ya baiwa wanda ake kara naman shanun da ya kai Naira 120,000 ya sayar ya biya shi kudin.
Ya ce a lokacin da wanda ya kai karar ya bukaci a ba shi kudinsa, wanda ake kara ya kai masa hari tare da raunata shi.