Wata kotu a Nairobi ta yanke hukuncin daurin shekaru 30 a gidan kaso kan wani mutum mai suna Kisilu Muindi bayan da aka same shi da laifin yin luwadi. Shafin labarai na isyaku.com ya ruwaito.
Kotun ta ji cewa Muindi ya ci zarafin wanda ya shigar da kara bayan da ya kai masa hari a wani kantin sayar da kaya a garin Kabiria a gundumar Dagoretti, Nairobi, inda shi (wanda aka azabtar) ke hutawa a ranar 8 ga Yuli, 2021.
Kafin ya aiwatar da wannan aika-aika, Muindi ya yanke kafar wanda abin ya shafa, ya daure hannayensa da wani yadi tare da yi masa fyade.
Mutumin da aka kashe mai suna PQ (Ba sunansa na gaskiya ba) ya shaida wa Kotu cewa wanda ya aikata laifin ya yi masa barazana bayan da ya aikata wannan aika-aika.
Yace;
“Ya ce in ba shi hadin kai bayan yanke kafa na da ya yi, ya yi min munanan raunuka. Bayan haka, ya gaya mini cewa zai kashe ni idan na ƙi yin yadda ya nema.
“Ya yi min fyade daga baya ya bar ni da jini. Ya yi mani barazana da cewa yana iya kiran ’yan iska su kashe ni idan na yi kuka na neman taimako.”
Wani matashi ne ya kubutar da PQ wanda yayi karo da shi a wurin da aka aikata laifin. Sai dai wanda ake tuhumar ya musanta zargin yana mai kare kansa cewa bai aikata laifin ba.
Da yake yanke hukunci kan karar, Mai shari’a Maroro ya tabbatar da cewa, shaidun da wanda aka azabtar ya gabatar wa Kotu, sun tabbatar da cewa wanda ake tuhumar ya aikata laifin.
Maroro ya ce;
"Bayan na yi la'akari da hukuncin da aka yanke na wanda ake tuhuma, da kuma shaidun wanda ake tuhuma da wanda aka azabtar, na yanke ma wanda ake tuhuma hukuncin daurin shekaru 30 a gidan yari saboda laifin da ya aikata kuma yana da kwanaki 14 don daukaka kara idan ya so."