Yadda dan shekara 40 ya yi lalata da yar shekara 2 da tsakar rana kiri-kiri a cikin wurin ibada


Wani mutum dan shekara 40 ya amsa laifin lalata wata yarinya ‘yar shekara 2 a wani harabar coci da ke unguwar Zimmerman a cikin Kasarani a gundumar Nairobi. Kafar labarai na isyaku.com ya samo.

Erastus Kariuki wanda aka gurfanar da shi a gaban wata babbar mai shari’a ta Milimani Wandia Nyamu, ya amsa laifin yin lalata da yarinyar da ya sabawa doka.

Rahotanni sun bayyana cewa ya aikata laifin ne a ranar Lahadi, 3 ga watan Yuli, 2022, da misalin karfe 3 na yamma bayan ya bayar da gudummawar Ksh100 a yayin wani taro a cocin. 

Ya amsa laifi a gaban kotu cewa ya yi amfani da al’aurarsa ba bisa ka’ida ba da gangan wajen shiga al’aurar karamar yarinyar.

Bayan ya amsa laifin da ya aikata, masu gabatar da kara sun ce suna bukatar lokaci, domin yarinyar tana jinya a Asibitin zamani na Komarock, inda aka kwantar da ita domin yi mata magani.

Jami’an ‘yan sandan sun ce; 

"A cikin 'yan mintoci kaɗan sai mahaifiyar ta ji ɗiyarta na kuka sai dai kukan da take yi ya sa su bincike, sai suka gano wanda ake zargin wanda ba su sani ba ya riƙe ɗiyarta a cinyarsa yana ratsa ta a waje."

An tattaro cewa mahaifiyar ta yi kururuwar neman ta ceci diyarta ta gudu zuwa cikin Cocin.

Jama’ar da suka ji kururuwar mahaifiyar yarinyar sun yi wa wanda ake zargin dukan tsiya kafin wasu ’yan Cocin su kubutar da shi, inda suka kai shi wurin ‘yan sanda a gaban Zimmerman.

Bayan faruwar lamarin, an garzaya da yarinyar zuwa asibitin MSF kuma aka mika ta zuwa asibitin Komarock na zamani don ci gaba da kula da ita. 

Erastus wanda ya yi ikirarin cewa an yi masa sihiri ana sa ran za a yanke masa hukunci nan ba da jimawa ba.

Previous Post Next Post

Latsa nan ka shiga group namu na WhatsApp domin samun Labaran mu kai tsaye

https://chat.whatsapp.com/H5IqezEzbfJ3YScTo1dk59

Domin zama wakilinmu a garinku LATSA NAN

Korafi ko aiko labari LATSA NAN