An datse kan wani mutum a gaban kyamara a yanar gizo sakamakon batanci ga Annabi (Hotuna)


Wasu mutane biyu da suka kira kansu 'Jaruman Musulunci' sun fille kan wani Tela dan kasar Indiya  gaban kyamara a Rajasthan bayan yada wani sakon nuna goyon baya ga wani dan siyasar da ya haifar da zanga-zangar Duniya tare da kalamai masu cike da rudani da batanci game da Annabi Muhammad. Kafar labarai na yanar gizo isyaku.com ya samo.

Mutqnen biyu da suka kira kansu mayakan Islama sun ziyarci karamin shago na Kanhaiya Lal da ke cikin kasuwar Udaipur mai cunkoson jama’a, inda suka nuna cewa su kwastomomi ne, inda suka tattauna da shi kafin su far masa.

An ji Lal yana rokon su da su bar shi, a wani faifan bidiyo da maharan suka dauka da kansu.

Wani maharin ya yi ta harbin tela a wuyansa da bayansa, daga bisani ya fadi kasa yana kururuwar rayuwarsa. 

Daga nan ne maharan suka shiga yanar gizo, inda suka bayyana sunayensu da Mohammed Riyaz Ansari da Ghouse Mohammed, inda suka dauki alhakin kai harin.


Rahotanni sun ce an kashe Telan bayan da ya yada wani sako a kafar sada zumunta domin nuna goyon bayansa ga kalaman baya-bayan nan da wani mai magana da yawun jam’iyyar Bharatiya Janata Party (BJP) mai kishin kasar Indiya mai mulki a Indiya ya yi game da Annabin Musulunci Muhammad SAW.

Kalaman da Nupur Sharma ya yi a wata muhawara ta gidan talabijin a karshen watan Mayu, an dauki su da cewa "abin zagi ne" ga Annabi kuma ya haifar da zanga-zangar da ta rikide zuwa tarzoma a wasu sassan Indiya da kuma zanga-zanga a fadin Duniyar Islama.

A cewar Mail Online, BJP ta kori Sharma ne bayan kalaman da ya yi, inda gwamnatocin kasashe kusan 20 suka gayyaci wakilansu na Indiya don yin bayani. 

Maharan biyu sun sake fitar da wani faifan bidiyo bayan kisan inda suka yi amfani da wukake tare da yin gargadi mai zafi ga Firayim Ministan Indiya Narendra Modi. 

Previous Post Next Post

Latsa nan ka shiga group namu na WhatsApp domin samun Labaran mu kai tsaye

https://chat.whatsapp.com/H5IqezEzbfJ3YScTo1dk59

Domin zama wakilinmu a garinku LATSA NAN

Korafi ko aiko labari LATSA NAN