Jami’an rundunar ‘yan sandan jihar Kaduna sun kashe ‘yan bindiga hudu a Saminaka da ke karamar hukumar Lere a jihar.
‘Yan sandan sun kuma kwato bindigu kirar AK47 da Ak49 dauke da alburusai masu rai da kuma wata motar aiki da ‘yan fashin ke amfani da su.
Kakakin rundunar ‘yan sandan, DSP Mohammed Jalige, wanda ya bayyana hakan a cikin wata sanarwa a ranar Alhamis, 16 ga watan Yuni, ya ce farmakin ya kai ga damke wata mata da ta amsa laifin bayar da makamai da alburusai ga ‘yan bindiga a jihar.
